‘പങ്കുവെയ്കപ്പെട്ട ഓർമ്മകൾ’: സംഘ ചിത്ര പ്രദർശനം

കണ്ണൂർ:  ഗാലറി ഏകാമിയുടെ അടുത്ത സംഘ ചിത്ര പ്രദർശനം ‘പങ്കുവെയ്കപ്പെട്ട ഓർമ്മകൾ’ (Shared Memories) മാർച്ച്‌ 23നു ഞായറാഴ്ച വൈകുന്നേരം 4 മണിക്ക് ആരംഭിക്കും. ദിബിൻ തിലകൻ, മനോജ്‌ ആനന്ദ് സോനവാനെ, സജിത്ത് പുതുക്കലവട്ടം, സുനീഷ്.എസ്. എസ് എന്നീ നാല് കലാകാരൻമാരാണ് ഈ പ്രദർശനത്തിൽ പങ്കെടുക്കുന്നത്. ഇവർ നാലുപേരും ചടങ്ങിൽ പങ്കെടുക്കും. തീർത്തും വ്യത്യസ്തമായ നാല് ധാരകളാണെങ്കിലും മനുഷ്യനും പ്രകൃതിയും കെട്ടുപിണഞ്ഞു കിടക്കുന്ന ഒരു ഭൂമികയാണ് ഇവരുടെ സൃഷ്ടികളെ ചേർത്തുനിർത്തുന്നതെന്ന് ഗാലറി അധികൃതർ പറഞ്ഞു.
മനുഷ്യബന്ധങ്ങളുടെ സങ്കിർണമായ ചാലനാത്മകതയെ തന്റെ രചനകൾക്കു വിഷയമാക്കിയ കലാകാരനാണ് തൃശൂർ സ്വദേശി ദിബിൻ തിലകൻ. യന്ത്രവത്കരിക്കപ്പെട്ട ആധുനിക ലോക ജീവിതം മനുഷ്യനിലും പ്രകൃതിയിലും വരുത്തിയ മാറ്റങ്ങളെക്കുറിച്ചു ചിന്തിക്കുകയും നമ്മളെക്കൊണ്ട് ചിന്തിപ്പിക്കുകയും ചെയ്യുന്നു മുംബൈയിൽ നിന്നുമുള്ള മനോജ്‌ ആനന്ദ് സോനവാനെ. അതേസമയം, നമ്മുടെ ആവാസവ്യവസ്ഥയെ നാശത്തിലേക്കു നയിക്കുന്ന പ്രകൃതി ചൂഷണവും നഗരവത്കരണവുമാണ് തന്റെ ചിത്രങ്ങളിൽ സജിത്ത് പുതുക്കലവട്ടം വിഷയമാക്കുന്നത്. എന്നാൽ സുനീഷ്.എസ്. എസ്. ആകട്ടെ, കേരളത്തിലും സ്വന്തം കുടുംബത്തിലും ആഴത്തിൽ വേരൂന്നിയ പരമ്പരാഗത ആശാരിപ്പണിയെകുറിച്ചുള്ള ദൃശ്യാന്വേഷണത്തിൽനിന്നാണ് തന്റെ വ്യതിരിക്തമായ ശൈലി രൂപപ്പെടുത്തിയത്.
പ്രദർശനം ഏപ്രിൽ 30ന് അവസാനിക്കും.

കൂടുതൽ വിവരങ്ങൾക്ക്:
മഹേഷ് ഒറ്റച്ചാലിൽ
9633857728

Mahesh Ottachalil
Gallery ekami
Mahathma Mandiram,
Kannur – 670002