മഹാശനി മാറ്റം 2025 മാര്‍ച്ചില്‍ സംഭവിയ്ക്കും. മാറ്റം അപ്പോഴാണെങ്കിലും ഇതിന്റെ ഫലങ്ങള്‍ നവംബര്‍ 15ന് ശേഷം ആരംഭിച്ചു തുടങ്ങി. അതായത് നല്ല ഫലങ്ങള്‍ ആരംഭിച്ച് തുടങ്ങി. ഇത് ഉച്ചസ്ഥായിയില്‍ എത്തുന്നത് 2025 മാര്‍ച്ചിലാകും. മഹാശനിമാറ്റത്തോട് അനുബന്ധിച്ച് 5 രാശികളിലെ 15 നാളുകാര്‍ക്ക് നല്ല സമയമെങ്കിലും ഇതില്‍ തന്നെ 2 രാശികളിലെ 6 നാളുകാര്‍ക്ക് നവംബര്‍ 20 മുതല്‍ നല്ല സമയം ആരംഭിയ്ക്കുന്നു. കണ്ടകശനി മാറി നല്ല ഫലങ്ങള്‍ അനുഭവിയ്ക്കാന്‍ യോഗമുണ്ടാകുന്നു. മാര്‍ച്ചിന് മുന്നേ നേട്ടങ്ങളുടെ 25 ശതമാനം ഈ 6 നാളുകാര്‍ക്ക് അനുഭവഭേദ്യമാകുന്നു.
ഇടവം
ഇതില്‍ ആദ്യത്തെ രാശി ഇടവം രാശിയാണ്. കാര്‍ത്തിക, രോഹിണി, മകയിരം നാളുകാര്‍. ഇവര്‍ക്ക് കണ്ടകശനി നടന്നു കൊണ്ടിരിയ്ക്കുകയായിരുന്നു. ഇവര്‍ക്ക് നവംബര്‍ 20 മുതല്‍ പല ശുഭനിമിത്തങ്ങളും ഉണ്ടാകും. ഒരിക്കലും നടക്കില്ലെന്ന് കരുതിയ കാര്യങ്ങളില്‍ ഓരോന്നും നടന്നു തുടങ്ങും. കണ്ടകശനി അവസാനിയ്ക്കുന്നു. ആയുര്‍കാരകനും കര്‍മകാരകനുമാണ് ഇവര്‍ക്ക് ശനി. ഇതിനാല്‍ നല്ല ബലവാനായ ഗ്രഹത്തിന്റെ സാന്നിധ്യത്തിലാണ് നടക്കുന്നതെങ്കില്‍ ദോഷം വരില്ല. ഇവര്‍ക്ക് വ്യാഴം ഈ ബലവാനായ ഗ്രഹസ്വാധീനമായി ഉണ്ട്.
ശനി ഭഗവാന്‍
ഇവര്‍ക്ക് ശനി ഭഗവാന്‍ ഏറെ അനുഗ്രഹങ്ങള്‍ നല്‍കുന്നു. ഇതുവരെ നിങ്ങളെ ശ്വാസം മുട്ടിച്ച ശനി ഇനി മുതല്‍ അനുഗ്രഹിയ്ക്കുന്നു. ഇതുവരെയുണ്ടായിരുന്ന കാര്‍മേഘങ്ങള്‍ ജീവിതത്തില്‍ നിന്നും അകന്നു പോകുന്ന സമയമാണ് വരുന്നത്. നല്ല ശുഭാപ്തി വിശ്വാസത്തോടെ ഇവര്‍ക്ക് മുന്നോട്ടു പോകാം. ഇവര്‍ക്ക് കര്‍മ മേഖലയില്‍ ഉയര്‍ച്ചയുണ്ടാകും. ധനലാഭം, സമ്പത്ത്, ആയുസ്, മാന്യത, ഐശ്വര്യം എന്നിവയെല്ലാം ഉണ്ടാകും. തിരിച്ചു കിട്ടാത്ത കടം തിരികെ വരും. സമ്പദ്‌ലാഭമുണ്ടാകും. തടഞ്ഞു വയ്ക്കപ്പെട്ട ആനുകൂല്യങ്ങള്‍ മാറും. സമൂഹത്തിലുണ്ടായിരുന്ന ചീത്തപ്പേരുകള്‍ മാറും. നല്ല വ്യക്തിത്വം ഉണ്ടാകും. പുതിയ സാമ്പത്തിക ഭദ്രത ഉണ്ടാക്കിയെടുക്കാന്‍ സാധിയ്ക്കും.
തുലാം
അടുത്ത രാശി തുലാം രാശിയാണ്. ചിത്തിര, ചോതി, വിശാഖം നാളുകാര്‍. ഇവരുടെ ആറാം ഭാവത്തിലാണ് ശനി വരുന്നത്. ഇത് ദോഷമാണെങ്കിലും പൊതുവേ ഇവര്‍ക്ക് നല്ല ഫലം നല്‍കുന്നു. കാരണം ശനിയുടെ വക്രഗതി മാററം തന്നെ. മാര്‍ച്ചിലാണ് പൂര്‍ണഫലം എങ്കിലും നവംബര്‍ 20 മുതല്‍ ഗുണം വരും. രോഗാവസ്ഥയില്‍ നിന്ന് മോചനം ലഭിയ്ക്കും. തസ്‌കര ശല്യത്തിന് പരിഹാരമുണ്ടാകും. നെഗറ്റീവ് കാര്യങ്ങള്‍ പൊസറ്റീവാകും.
നവഗ്രഹപൂജ
ധനകാര്യസ്ഥാപനങ്ങളില്‍ നിന്നുള്ള വായ്പ തരണം ചെയ്യാനുള്ള വഴിയുണ്ടാകും. ശനി വക്രഗതി വിടുന്നത് തന്നെയാണ് കാരണം. പുതിയ സംരംഭങ്ങള്‍ ആരംഭിയ്ക്കാം, ഉത്തമമായ ജീവിത പങ്കാളിയെ നേടാന്‍ സാധിയ്ക്കും. ധനകാര്യത്തില്‍ ഉയര്‍ച്ചയുണ്ടാകും വിവാഹം കഴിഞ്ഞ് സന്താനഭാഗ്യമില്ലാത്തവര്‍ക്ക് ആ ഭാഗ്യമുണ്ടാകാന്‍ സാധിയ്ക്കും. ഇക്കാര്യത്തില്‍ ശുഭഫലമുണ്ടാകും. ദാമ്പത്യ അസ്വാരസ്യങ്ങള്‍ ഒഴിഞ്ഞു പോകും. ഈ മൂന്ന് നക്ഷത്രക്കാര്‍ക്ക് പ്രധാനമായും പറയേണ്ടത് രോഗശാന്തി തന്നെയാണ്. ഈ രണ്ടു രാശിക്കാരും പരിഹാരമായി നവഗ്രഹസ്‌തോത്രം, ശനി ഗായത്രി ചൊല്ലുന്നത് നല്ലതാണ്. നവഗ്രഹപൂജ നടത്തുന്നത് നല്ലതാണ്.
