മൗലവിയെ ആക്രമിച്ച പ്രതിയെ അറസ്റ്റ് ചെയ്തു

ആലപ്പുഴ:പൂച്ചാക്കൽ പോലീസ് സ്റ്റേഷൻ പരിധിയിലെ അരുകുറ്റി പഞ്ചായത്തിൽ വടുതല കണ്ണാറ പള്ളി അസിസ്റ്റൻ്റ് ഇമാം അസീസ് മൗലവിയെ ആക്രമിച്ച പ്രതിയെ അറസ്റ്റ് ചെയ്തു. വടുതല പുത്തൂർ പള്ളാക്കൽ ചിറയിൽ സരിൻ (വയസ്സ് 24) എന്നയാൾ 03-10-2025 തിയതി 03:30 മണിയോടെ വടുതല കണ്ണാറ പള്ളി അസിസ്റ്റൻ്റ് ഇമാം അസീസ് മൗലവിയെ ആക്രമിക്കുകയും ഉപദ്രവിക്കുകയും ആയിരുന്നു. ഈ സംഭവത്തിൽ പൂച്ചാക്കൽ പോലീസ് കേസ് രജിസ്റ്റർ ചെയ്യുകയും പ്രതിയെ പിടികൂടുകയും ആയിരുന്നു. ഈ കേസിലെ പ്രതിയായ സരിൻ മദ്യപിച്ച് മാതാപിതാക്കളുമായി വഴക്കുണ്ടാക്കുന്നതിനിടയിൽ മൗലവി ആയത് ശ്രദ്ധിക്കുന്നത് കണ്ടത് ഇഷ്ടപ്പെടാത്തതാണ് പ്രതി ആക്രമിക്കാൻ കാരണം. ഈ സംഭവവുമായി ബന്ധപ്പെട്ട് സോഷ്യൽ മീഡിയകളിലും മറ്റും മതസ്പർദ്ധ വളർത്തുന്ന രീതിയിലുള്ള പോസ്റ്റുകളും കമന്റുകളും ശ്രദ്ധയിൽപ്പെട്ടിട്ടുണ്ടെന്നും അത്തരക്കാർക്ക് എതിരെ കർശനമായ നിയമനടപടി സ്വീകരിക്കുന്നതാണ് എന്നും പൂച്ചാക്കൽ പോലീസ് ഇൻസ്പെക്ടർ പി എസ് സുബ്രഹ്മണ്യൻ അറിയിച്ചു. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു. പൂച്ചാക്കൽ സ്റ്റേഷൻ ഇൻസ്പെക്ടർ പി എസ് സുബ്രഹ്മണ്യൻ, എസ് ഐ മാരായ ദിലീപ് കുമാർ, സജി ജോസഫ്, സീനിയർ സിവിൽ പോലീസ് ഓഫീസർമാരായ ജോബി കുര്യാക്കോസ്, കലേഷ്, പ്രവീൺ, ലിജോമോൻ എന്നിവർ ചേർന്നാണ് പ്രതിയെ പിടികൂടിയത്.