ട്രെയിനിൽ നിന്ന് തള്ളിയിട്ട് കവർച്ച നടത്തിയ സംഭവം : പൻവേലിൽ നിന്ന് പിടികൂടിയ പ്രതിയെ കോഴിക്കോട്ടെത്തിച്ച് തെളിവെടുപ്പ്.

മുംബൈ/ കോഴിക്കോട് : യാത്രക്കാരിയെ ട്രെയിനിൽ നിന്ന് തള്ളിയിട്ട് കവർച്ച നടത്തിയ കേസിൽ പ്രതിയെ പൻവേലിൽ നിന്ന് പൊലീസ് കസ്റ്റഡിയിലെടുത്തു.തെളിവെടുപ്പിനായി പ്രതിയുമായി അന്വേഷണ സംഘം കേരളത്തിലെത്തി.
രണ്ട് ദിവസം മുൻപാണ് കേസിനാസ്‌പദമായ സംഭവം നടന്നത്.ചണ്ഡിഗവ് കൊച്ചുവേളി കേരള സമ്പർക്ക്ക്രാന്തി എക്‌സ്പ്രസ്സിൽ യാത്ര ചെയ്യുകയായിരുന്ന തൃശൂർ സ്വദേശിയായ 14 കാരി അമ്മിണിയെയാണ് പ്രതി ട്രെയിനിൽ നിന്ന് തള്ളിയിട്ട് പണവും മൊബൈൽ ഫോണും കവർന്നത്. കവർച്ച നടത്തിയ ശേഷം ഓടുന്ന ട്രെയിനിൽ നിന്നും പ്രതി മറ്റൊരു ട്രെയിനിൽ കയറി രക്ഷപ്പെടുകയായിരുന്നു.സൈബർ സെൽ നടത്തിയ അന്വേഷണത്തിൽ പ്രതി പൻവേലിൽ ഉണ്ടെന്ന് കണ്ടെത്തി. തുടർന്ന് കേരള പൊലീസും റെയിൽവേ പോലിസും അടങ്ങുന്ന പതിനേഴംഗ അന്വേഷണ സംഘം മഹാരാഷ്ട്രയിലെത്തി പ്രതിയെ കസ്റ്റഡിയിലെടുക്കുകയായിരുന്നു. പ്രതിയുമായി ഇനി കൂടുതൽ നെളിവെടുപ്പുകളും ചോദ്യം ചെയ്യലുകളും നടത്തുമെന്ന് പൊലീസ് അറിയിച്ചു.