അന്യസംസ്ഥാന തൊഴിലാളിയെ പീഡിപ്പിക്കാൻ ശ്രമിച്ച പ്രതി കരുനാഗപ്പള്ളിയിൽ പിടിയിൽ
കുനാഗപ്പള്ളി : അന്യസംസ്ഥാന തൊഴിലാളിയെ പീഡിപ്പിക്കാൻ ശ്രമിച്ച പ്രതി കരുനാഗപ്പള്ളി പോലീസ് പിടിയിൽ. തേവലക്കര പാലക്കൽ ഊപ്പൻ വിളയിൽ ഫൈസൽ എന്ന് വിളിക്കുന്ന സാലിഹിനെയാണ് കരുനാഗപ്പള്ളി പോലീസ് പിടികൂടിയത്. കരുനാഗപ്പള്ളി റെയിൽവേ സ്റ്റേഷന് സമീപം താമസിക്കുകയായിരുന്ന ആന്ധ്ര സ്വദേശിനിയെയാണ് പ്രതി ലൈംഗികമായി പീഡിപ്പിക്കാൻ ശ്രമിച്ചത്. തൊഴിലാളികൾ താമസിക്കുന്ന ടെന്റിൽ ഒരു വയസ്സുള്ള കുട്ടിയെ കൈയ്യിൽ എടുത്ത് ഇരിക്കുകയായിരുന്ന യുവതിയെയാണ് പീഡിപ്പിക്കാൻ ശ്രമിച്ചത്. കുട്ടിയെ വലിച്ചെറിഞ്ഞ ശേഷമായിരുന്നു പ്രതിയുടെ അതിക്രമം. യുവതിയുടെ നിലവിളി കേട്ട് ഇറങ്ങി ഓടിയ പ്രതിയെ കരുനാഗപ്പള്ളി പോലീസ് പിടികൂടുകയായിരുന്നു. തുടർന്ന് യുവതിയുടെ ഭർത്താവ് കരുനാഗപ്പള്ളി പോലീസ് സ്റ്റേഷനിൽ നൽകിയ പരാതിയുടെ അടിസ്ഥാനത്തിൽ കേസെടുക്കുകയായിരുന്നു .കരുനാഗപ്പള്ളി പോലീസ് സ്റ്റേഷൻ എസ് എച്ച് ഓ വി. ബിജുവിന്റെ നേതൃത്വത്തിൽ എസ്ഐമാരായ ഷമീർ, ആഷിക്, അജി ജോസ് ,സീനിയർ സിവിൽ പോലീസ് ഓഫിസർ ഹാഷിം, ഗ്രീഷ്മ എന്നിവരടങ്ങിയ സംഘമാണ് പ്രതിയെ പിടികൂടിയത്.
