ചൂടിന് ശമനം; സംസ്ഥാനത്ത് അടുത്ത അഞ്ചുദിവസം വേനൽ മഴയ്ക്ക് സാധ്യത
സംസ്ഥാനത്ത് അടുത്ത അഞ്ചുദിവസം വേനൽ മഴ തുടരാൻ സാധ്യത. വിവിധ ജില്ലകളിൽ യെല്ലോ അലേർട്ട് പ്രഖ്യാപിച്ചിരിക്കുകയാണ് കാലാവസ്ഥാ വകുപ്പ്.ഇന്ന് വടക്കൻ കേരളത്തിലും മലയോര മേഖലകളിലും ഉച്ചയ്ക്ക് ശേഷം ഇടിമിന്നലോട് കൂടിയ മഴയ്ക്ക് സാധ്യതയുണ്ട്.വയനാട് യെല്ലോ അലേർട്ട് പ്രഖ്യാപിച്ചു.
നാളെ മുതൽ തെക്കൻ കേരളത്തിലും മധ്യകേരളത്തിലും വേനൽ മഴ ശക്തമാകാൻ സാധ്യതയെന്നും മുന്നറിയിപ്പ്.പത്തനംതിട്ട ഇടുക്കി ജില്ലകളിൽ നാളെ യെല്ലോ മുന്നറിയിപ്പ് നൽകിയിട്ടുണ്ട്. തിരുവനന്തപുരം, കൊല്ലം, പത്തനംതിട്ട, എറണാകുളം ഇടുക്കി ജില്ലകളിൽ ഞായറാഴ്ച യെല്ലോ അലേർട്ട് പ്രഖ്യാപിച്ചു.
