പ്രതീക്ഷ ഫൗണ്ടേഷൻ വനിത ദിനാഘോഷം: അശ്വതി ഡോർജെ IPS പങ്കെടുക്കും
വസായ് : പ്രതീക്ഷ ഫൗണ്ടേഷൻ്റെ ആഭിമുഖ്യത്തിൽ മാർച്ച് 7 ന് വസായ് വെസ്റ്റിലെ വസന്ത് നഗരി ബാലാജി ഹാളിൽ നടക്കുന്ന വനിതാ ദിനാഘോഷത്തിൽ വനിതകൾക്കും കുട്ടികൾക്കുമെതിരേയുമുള്ള കുറ്റകൃത്യങ്ങൾ തടയുന്ന മഹാരാഷ്ട്ര പോലീസിൻ്റെ സ്പെഷ്യൽ ഐ ജി അശ്വതി ഡോർജെ ഐ പി എസ് പങ്കെടുക്കും. പ്രശസ്‌ത സംവിധായകൻ അടൂർ ഗോപാലകൃഷ്ണൻ്റെ മകളാണ് അശ്വതി ഡോർജെ.
ജമ്മു കാശ്മീർ ഖാദി വില്ലേജ് ചെയർ പേഴ്സൺ ഡോ : ഹീന ഷാഫി ഭട്ട് പരിപാടികൾ ഉൽഘാടനം ചെയ്യും പ്രമുഖ സാമൂഹ്യ പ്രവർത്തക സാരംഗി പ്രവീൺ മാഹാജൻ മുഖ്യാതിഥിയായിരിക്കും. ആശാവർക്കർമാർ, നഴ്സുമാർ, ഡോക്ടർമാർ ശുചീകരണ തൊഴിലാളികൾ എന്നിവർ പങ്കെടുക്കുന്ന പരിപാടിയിൽ വിവിധ മേഖലകളിൽ പ്രാവീണ്യം തെളിയിച്ച വനിതകളെ ആദരിക്കും.
ശുചീകരണ തൊഴിലാളികളും ആശാവർക്കർമാരുമുൾപ്പെടെ നാനൂറോളം പേർക്ക് ചടങ്ങിൽ സാരികൾ വിതരണം ചെയ്യും. കൂടുതൽ വിവരങ്ങൾക്ക് 9323528197 എന്ന നമ്പറിൽ ബന്ധപ്പെടാമെന്ന് പ്രതീക്ഷാ ഫൗണ്ടേഷൻ ചെയർമാൻ ഉത്തം കുമാർ അറിയിച്ചു
