പ്രജ്വൽ കുറ്റക്കാരനെന്ന് കണ്ടെത്തിയാൽ ശിക്ഷിക്കുന്നതിൽ എതിർപ്പില്ല: ദേവഗൗഡ
ബംഗളൂരു: എം പി പ്രജ്വൽ രേവണ്ണയുടെ പേരിലുള്ള ലൈംഗികാതിക്രമ കേസിൽ മൗനം വെടിഞ്ഞ് ജെഡിഎസ് നേതാവും പ്രജ്വലിന്‍റെ മുത്തച്ഛനുമായ എച്ച്. ഡി. ദേവഗൗഡ. കേസിൽ കൊച്ചു മകൻ കുറ്റക്കാരനെന്ന് തെളിയുകയാണെങ്കിൽ ശിക്ഷിക്കുന്നതിൽ എതിർപ്പില്ലെന്നാണ് ദേവഗൗഡ വ്യക്തമാക്കിയിരിക്കുന്നത്. അതേ സമയം തന്‍റെ മകൻ എച്ച്.ഡി. രേവണ്ണയ്ക്കെതിരേയുള്ള കേസുകൾ നിർമിക്കപ്പെട്ടതാണെന്നും അദ്ദേഹം അഭിപ്രായപ്പെട്ടു.
എന്നാൽ ഇക്കാര്യത്തിൽ കൂടുതൽ സംസാരിക്കാൻ ഗൗഡ തയാറായില്ല. ഈ കേസിൽ കൂടുതൽ പേർ ഉൾ‌പ്പെട്ടിട്ടുണ്ട്. ആരുടെയും പേരു വലിച്ചിഴയ്ക്കാൻ താൻ ഒരുക്കമല്ല.സംഭവം കോടതിയുടെ പരിഗണനയിലിരിക്കേ ഇക്കാര്യത്തിൽ കൂടുതൽ സംസാരിക്കുന്നത് ശരിയല്ലെന്നും ദേവഗൗഡ വ്യക്തമാക്കി
