പന്മന ആശ്രമം മഠാധിപതി സ്വാമി പ്രണവാനന്ദതീർത്ഥപാദർ സമാധിയായി
കൊല്ലം. പന്മന ആശ്രമം മഠാധിപതി സ്വാമി പ്രണവാനന്ദതീർത്ഥപാദർ സമാധിയായി. 93 വയസ്സായിരുന്നു. വാർധക്യ സഹജമായ രോഗങ്ങളെ തുടർന്ന് ഏറെ നാളായി ചികിത്സയിലായിരുന്നു. ഇന്ന് ഉച്ചയ്ക്ക് 2.40ന് പന്മനആശ്രമത്തിലായിരുന്നു സമാധി. കുന്നത്തൂർ ഐവർകാല സ്വദേശിയാണ്. കൊട്ടാരക്കര ഗവൺമെന്റ് ഹൈസ്കൂളിലെ പ്രഥമാധ്യാപകനായിരുന്നു. കേശവൻ നായരെന്നായിരുന്നു പൂർവ്വാശ്രമത്തിലെ പേര്. റിട്ട. അധ്യാപിക പി.ശാരദാമ്മയാണ് ഭാര്യ. പരേതരായ ജയപ്രകാശ്, ജയരാജ്, ജയകുമാരി എന്നിവരും ജയശ്രീ, ജയബാല എന്നിവരുമാണ് മക്കൾ. സംസ്കാരം ഇന്ന് നടക്കും
