നോർക്ക ഇൻഷുറൻസ് കാർഡ് അംഗത്വ വിശദീകരണ ക്യാമ്പയിൻ നടന്നു
മുംബൈ: ഫെയ്മ മഹാരാഷ്ട്ര മലയാളി വെൽഫെയർ സെൽ സംസ്ഥാന കമ്മറ്റി പ്രവാസി മലയാളികൾക്കുവേണ്ടി മഹാരാഷ്ട്രയുടെ വിവിധഭാഗങ്ങളിൽ ക്യാമ്പുകൾ സംഘടിപ്പിക്കുന്നതിൻ്റെ ഭാഗമായി സാക്കിനാക്കിയിലെ സെന്റ് മേരീസ് മലങ്കര കത്തോലിക്കാ ചർച്ചിൽ വച്ച് നോർക്ക ഇൻഷുറൻസ് കാർഡ് അംഗത്വ വിശദീകരണയോഗം നടത്തി.
മലങ്കര കത്തോലിക്ക പള്ളി വികാരി റവ. ഫാദർ ജോഷ്വാ മണിമല പറമ്പിലിന്റെ അധ്യക്ഷതയിൽ നടന്ന ചടങ്ങിൽ നോർക്ക ഡെവലപ്മെന്റ് ഓഫീസറും കേരള ഗവൺമെൻറ് ഡെപ്യൂട്ടി സെക്രട്ടറിയുമായ റഫീഖ് എസ് മുഖ്യാതിഥിയായി.
കേരള ഗവൺമെന്റിന്റെ നേതൃത്വത്തിലുള്ള നോർക്ക റൂട്ട്സ് ചെയ്യുന്ന സേവനങ്ങളെക്കുറിച്ചും നോർക്ക ഇൻഷുറൻസ് കാർഡ് ഓരോ പ്രവാസി മലയാളിയും എടുക്കേണ്ടതിന്റെ ആവശ്യകതയെക്കുറിച്ചും, കൂടാതെ പ്രവാസികൾക്കായി കേരള ഗവൺമെൻറ് പ്രവാസി ക്ഷേമ വകുപ്പ് നടപ്പിലാക്കുന്ന പെൻഷൻ പദ്ധതിയെ കുറിച്ചും റഫീഖ് എസ് വിശദീകരിച്ചു.
പരിപാടിയിൽ പങ്കെടുത്തവർക്ക് നോർക്ക ഐഡി കാർഡിനായുള്ള അപേക്ഷാഫോറവും വിതരണം ചെയ്തു.
മലങ്കര കത്തോലിക്കാ അസോസിയേഷൻ പ്രസിഡൻറ് ബേബി കെ ഐസക് സ്വാഗതം പറഞ്ഞ ചടങ്ങിൽ, ഫെയ്മ മഹരാഷ്ട്ര ട്രഷറർ അനു ബി നായർ, ഫെയ്മ മഹാരാഷ്ട്ര മലയാളി വെൽഫെയർ സെൽ സെക്രട്ടറി ബാലൻ പണിക്കർ, മുംബൈ കോഡിനേറ്റർ ഉഷാ തമ്പി ജോൺ, ഫെയ്മ മഹരാഷ്ട്ര മലയാളി റെയിൽ പാസഞ്ചേഴ്സ് അസോസിയേഷൻ സെക്രട്ടറി ശിവപ്രസാദ് കെ. നായർ എന്നിവർ സംസാരിച്ചു. മലങ്കര കത്തോലിക്കാ ചർച്ചിലെ സിസ്റ്റർ ആർഷ, സെക്രട്ടറി ടീജ ബിമൽ എന്നിവരും യോഗത്തിൽ സന്നിഹിതരായിരുന്നു. മലങ്കര കത്തോലിക്ക അസോസിയേഷൻ സെക്രട്ടറി വിൻസി സജി നന്ദിയും പറഞ്ഞു.
മഹാരാഷ്ട്രയിലെ മറ്റ്‌ ജില്ലകളിലും ഇതുപോലെ ക്യാമ്പുകൾ നടത്തുവാൻ ആഗ്രഹിക്കുന്നവരും സംഘടനകളും ഫെയ്മ മഹാരാഷ്ട്ര മലയാളി വെൽഫയർ സെല്ലിൻ്റെ പ്രതിനിധികളായഉണ്ണി വി ജോർജ് 9422267277( പ്രസിഡന്റ്.),രാധാകൃഷ്ണൻ റ്റി വി 9665066729 (പി ആർ ഇൻചാർജ്)എന്നിവരുമായി ബന്ധപ്പെടുക .
