അഴിമതി അവസാനിപ്പിക്കുമെന്ന് പറയുന്ന ഇന്ത്യൻ രാഷ്ട്രീയക്കാരനെ ഒരിക്കലും വിശ്വസിക്കരുത്
മുംബൈ: അഴിമതി അവസാനിപ്പിക്കുമെന്ന് പറയുന്ന ഇന്ത്യൻ രാഷ്ട്രീയക്കാരനെ ഒരിക്കലും വിശ്വസിക്കരുത്, പൊതുജീവിതത്തിൽ സത്യസന്ധത ഉറപ്പുവരുത്തുക എന്നതാണ് അരവിന്ദ് കെജ്രിവാളിൻ്റെ രാഷ്ട്രീയ ജീവിതം നമുക്ക് നൽകുന്ന പ്രധാന പാഠമെന്ന് പ്രസ്കൗൺസിൽ ഓഫ് ഇന്ത്യയുടെ അധ്യക്ഷനും സുപ്രിംകോടതി മുൻ ജഡ്ജിയുമാണ് ജസ്റ്റിസ് മാർക്കണ്ഡേയ കട്ജു.
“ഇന്ത്യയിൽ രാഷ്ട്രീയം അഴിമതിയില്ലാതെ നടക്കില്ല എന്നതാണ് സത്യം. കാരണം ഇന്ത്യൻ രാഷ്ട്രീയത്തിൽ വലിയൊരു തുക ആവശ്യമാണ്. ഉദാഹരണത്തിന്, ഒരു ലോക്‌സഭാ സീറ്റിൽ മത്സരിക്കുന്ന ഒരു സ്ഥാനാർത്ഥിക്ക് ഏകദേശം 10 കോടി രൂപയും ഒരു എംഎൽഎ സീറ്റിൽ മത്സരിക്കുന്ന ഒരാൾക്ക് ഏകദേശം 5 കോടി രൂപയും ചെലവഴിക്കേണ്ടിവരുമെന്ന് കണക്കാക്കപ്പെടുന്നു.
മാത്രവുമല്ല, ഒരു രാഷ്ട്രീയ പാർട്ടി നടത്തിപ്പിന് നൂറുകണക്കിനു കോടി രൂപ, പ്രചാരണത്തിനും, തൊഴിലാളികൾക്ക് പണം നൽകുന്നതിനും മറ്റും വേണ്ടിവരും. അഴിമതിയിലൂടെയല്ലാതെ ഈ പണമെല്ലാം എവിടെ നിന്ന് വരും?
മുഖ്യമന്ത്രിയായതിന് ശേഷം അരവിന്ദ് കെജ്‌രിവാൾ ഇത് തിരിച്ചറിഞ്ഞു, സത്യസന്ധനായിരിക്കണമെങ്കിൽ രാഷ്ട്രീയം ഉപേക്ഷിക്കണം, എന്നാൽ രാഷ്ട്രീയത്തിൽ തുടരണമെങ്കിൽ സത്യസന്ധത ഉപേക്ഷിക്കണം.” മാർക്കണ്ഡേയ കട്ജു സാമൂഹ്യമാധ്യമത്തിലൂടെ പ്രതികരിച്ചു.
