പത്മപുരസ്‌കാരങ്ങൾക്കായി കേരളം നിർദ്ദേശിച്ച പേരുകൾ പരിഗണിക്കപെട്ടില്ല
തിരുവനന്തപുരം :ഇത്തവണയും പത്മപുരസ്‌ക്കാരങ്ങൾക്കായി കേരളം നിര്‍ദ്ദേശിച്ച ഭൂരിപക്ഷം പേരുകളും കേന്ദ്രം അവഗണിച്ചു. കെ.എസ് ചിത്രയ്ക്ക് പത്മവിഭൂഷണും നടൻ മമ്മൂട്ടിയ്ക്കും കഥാകാരൻ ടി.പത്മനാഭനും പത്മഭൂഷണും പ്രൊഫ.എം.കെ സാനു,സൂര്യ കൃഷ്ണമൂര്‍ത്തി, വൈക്കം വിജയലക്ഷ്മി, പുനലൂര്‍ സോമരാജന്‍, പത്മിനി തോമസ്, കെ ജയകുമാര്‍ ഐ എ എസ്, വ്യവസായി ടി എസ് കല്യാണരാമന്‍പത്മശ്രീയും നല്‍കണമെന്നായിരുന്നു കേരളത്തിന്റെ ആവശ്യം കേന്ദ്രം അത് പരിഗണിച്ചില്ലാ എന്ന് റിപ്പോർട്ട് .
സംസ്ഥാന സര്‍ക്കാര്‍ ശിപാര്‍ശ പ്രകാരം എഴുത്തുകാരന്‍ എം.ടി വാസുദേവന്‍ നായര്‍ക്ക് പത്മവിഭൂഷണും ഒളിമ്പ്യന്‍ പി.ആര്‍ ശ്രീജേഷ് പത്മഭൂഷണും മാത്രമാണ് നല്‍കിയത്.
കേരളം നിർദ്ദേശിച്ച 20 അംഗ പട്ടികയില്‍ ഇടം പിടിയ്ക്കാത്ത ഹൃദയശസ്ത്രക്രിയാ വിദഗ്ധനായ ഡോ. ജോസ് ചാക്കോ പെരിയപ്പുറത്തിനും സിനിമ താരവും നര്‍ത്തകിയുമായ ശോഭനയ്ക്കും പത്മഭൂഷണ്‍ നല്‍കി. ഫുട്‌ബോള്‍ താരം ഐ.എം. വിജയന്‍, സംഗീതഞ്ജ ഓമനക്കുട്ടിയമ്മ എന്നിവര്‍ക്ക് പത്മശ്രീയും നല്‍കി.
