ഓഹരി വിപണിയിൽ നേട്ടമുണ്ടാക്കി ചന്ദ്രബാബു നായിഡുവിന്റെ ഭാര്യയുടെ കമ്പനി
ന്യൂഡൽഹി: ലോക്സഭാ, ആന്ധ്ര നിയമസഭാ തിരഞ്ഞെടുപ്പുകളിൽ ടിഡിപി മികച്ച പ്രകടനം കാഴ്ചവെച്ചതോടെ കാര്യമായ നേട്ടമുണ്ടാക്കി ചന്ദ്രബാബു നായിഡുവിന്റെ ഭാര്യയുടെ കമ്പനി. ഹെറിറ്റേജ് ഫുഡ്‌സിൻ്റെ ഓഹരികൾ കഴിഞ്ഞ അഞ്ച് ദിവസത്തിനുള്ളിൽ 55 ശതമാനം ഉയർന്നതോടെ കമ്പനിയുടെ പ്രൊമോട്ടറായ നര ഭുവനേശ്വരിക്ക് 535 കോടി രൂപയുടെ സാമ്പത്തികവർദ്ധനവുണ്ടായി.
തിരഞ്ഞെടുപ്പ് ഫലം പ്രഖ്യാപിക്കുന്നതിന് മണിക്കൂറുകൾക്ക് മുമ്പ് സ്റ്റോക്ക് 424 രൂപയിലായിരുന്നു. ഇന്ന് ഹെറിറ്റേജ് ഫുഡ്‌സ് ഓഹരി 661.25 രൂപയിലാണ്. നായിഡുവിൻ്റെ മകൻ നാരാ ലോകേഷിന് ഹെറിറ്റേജ് ഫുഡ്‌സിൻ്റെ 1,00,37,453 ഓഹരികളുണ്ട്. ഓഹരി കുതിച്ചുയർന്നതിന് ശേഷം, ലോകേഷിൻ്റെ ആസ്തിയിലും 237.8 കോടി രൂപയുടെ വർധനവുണ്ടായി.
