നാദോപാസന സംഗീതോത്സവം: ഫെബ്രുവരി1, 2 തീയ്യതികളിൽ
ഡോംബിവ്‌ലി: നാദോപാസന ഡോംബിവലിയുടെ ഇരുപത്തിരണ്ടാമത് സംഗീതോത്സവവും ശ്രീ സദ്ഗുരു ത്യാഗരാജാരാധനയും ഫെബ്രുവരി 1, 2 തീയതികളിൽ ഡോംബിവലി ഈസ്റ്റിലെ ഇ.ബി. മാധവി കോളേജ് ഓഡിറ്റോറിയത്തിൽവച്ച് നടക്കുന്നു.
ഒന്നാംദിവസം വൈകുന്നേരം അഞ്ചേമുക്കാലിന് ഡോംബിവലി ഭജൻ സമാജത്തിന്റെ നാമസങ്കീർത്തനത്തോടെ ആരംഭിക്കുന്ന ഉത്സവത്തിൽ സുചിത്ര ബാലസുബ്രഹ്മണ്യന്റെ സംഗീതക്കച്ചേരി ഉണ്ടായിരിക്കും.
രണ്ടാം ദിവസം പട്ടാഭിരാമ പണ്ഡിറ്റിന്റെ സംഗീതക്കച്ചേരി, വാഗ്ഗേയകാര പി.സി. കൃഷ്ണമൂർത്തിയുടെ നാമസങ്കീർത്തനം, യുവ സംഗീതജ്ഞനായ ഹർദിക് ഗണേശൻ, ശില്പ ഹരീഷ് എന്നിവരുടെ കച്ചേരികളും ഉണ്ടായിരിക്കും. വിജു എസ്. ആനന്ദ് വയലിനിലും, കെ.ബി. ഗണേഷ് മൃദംഗത്തിലും സ്വാമിനാഥ് ജയരാമൻ ഘടത്തിലും സംഗീതക്കച്ചേരികൾക്ക് അകമ്പടി ഒരുക്കുന്നു.
രണ്ടാം തീയതി ഞായറാഴ്ച രാത്രി പത്തു മണിക്കുള്ള മഹാമംഗളാരതിയോടെ ഈ വർഷത്തെ സംഗീതോത്സവത്തിന് തിരശ്ശീല വീഴും. സംഗീതോത്സവ വേദിയിലേക്കുള്ള പ്രവേശനം തികച്ചും സൗജന്യമാണ്.
കൂടുതൽ വിവരങ്ങൾക്ക് : 9930875373
