ഇഡിയെയും ബിജെപിയെയും പച്ചക്ക് വിമർശിച്ച് എംവി ഗോവിന്ദൻ
ഇഡിയെയും ബിജെപിയെയും വിമർശിച്ച് സിപിഐഎം സംസ്ഥാന സെക്രട്ടറി എംവി ഗോവിന്ദൻ. ഇഡി ബിജെപിക്കായി കൂലിപ്പണിയെടുക്കുകയാണെന്നും, കേന്ദ്ര ഏജൻസികളെ പണമുണ്ടാക്കാൻ ഉപയോഗിക്കുന്നു എന്നും കേരളത്തിൽ ഇത് വിലപ്പോകില്ലെന്നും എംവി ഗോവിന്ദന്റെ വിമർശനം.
മുഖ്യമന്ത്രിയെയും സർക്കാരിനെയും പാർട്ടിയെയും അപഹസിക്കാനുള്ള നീക്കമാണ് ഇഡിയും, ബിജെപിയുടെയും. ഇ ഡി മുൻപെടുത്ത കേസുകൾക്ക് വല്ല വിലയുണ്ടോയെന്ന് എംവി ഗോവിന്ദൻ ചോദിച്ചു.കേന്ദ്ര സർക്കാറിന്റെ ബലം ഉപയോഗിച്ച് മോദി പല ശ്രമങ്ങൾ നടത്തി. എന്നാൽ കോൺഗ്രസിനെതിരെ വരുമ്പോ മാത്രം അവർ പ്രതികരിക്കും. അല്ലാത്ത സാഹചര്യങ്ങളിൽ മൗനമാണ് അവർക്ക്ക്കെന്നും, ഇടതുമുന്നണി പക്ഷേ കേന്ദ്ര ഏജൻസികളെ ഒരേ രീതിയിൽ എതിർത്തെന്ന് എംവി ഗോവിന്ദൻ പറഞ്ഞു.
കേന്ദ്ര സർക്കാർ അഴിമതി വിരുദ്ധ സർക്കാർ ആണെന്നതിന്റെ അടിത്തറ തകർന്നുവെന്നും, ഇലക്ടറൽ ബോണ്ടുമായി ബന്ധപ്പെട്ടു വന്ന വാർത്ത അത് വ്യക്തമാക്കിയെന്നും അദ്ദേഹം പറയുന്നു. ഇലക്ടറൽ ബോണ്ട്‌ ജനാധിപത്യത്തെ വെല്ലുവിളിക്കുന്നതെന്ന് അദ്ദേഹം പൊതുരെ കുറ്റപ്പെടുത്തി. ആരാണ് പണം നൽകിയതെന്നും ആർക്കാണ് പണം നൽകിയതെന്നും ജനങ്ങൾക്ക് അറിയാൻ അവകാശമുണ്ടെന്നാണ് കോടതിയുടെ നിലപാട്. എന്നാലിപ്പോ മേനി നടിച്ചു നടന്നവർക്കൊക്കെ തിരിച്ചടിയായി. ഇന്ത്യ കണ്ട ഏറ്റവും വലിയ അഴിമതിയാണ് ഇലക്ടറൽ ബോണ്ട്‌. ഇ.ഡി കേസ് എടുക്കുക, അന്വേഷിക്കുക, ഭയപ്പെടുത്തി കാശ് വാങ്ങുക. ഇതൊന്നും പുറത്തു അറിയില്ല എന്നായിരുന്നു ബിജെപി കരുതുയിരുന്നത്. എന്നാൽ വലിയ തിരിച്ചടി ആണ് ഇപ്പോൾ കിട്ടിയതെന്നും എംവി ഗോവിന്ദൻ പറഞ്ഞു.
അരവിന്ദ് കെജ്രിവാളിന്റെ അറസ്റ്റിലും എംവി ഗോവിന്ദൻ പ്രതകരിച്ചു. അമേരിക്കയും ജർമനിയും ഉൾപ്പടെ ലോക രാജ്യങ്ങൾ പോലും അറസ്റ്റിനെതിരെ രംഗത്തെത്തിയിട്ടുള്ള സാഹചര്യത്തിൽ, രാജ്യത്തിനു തന്നെ അപമാനമുണ്ടാക്കുന്ന സംഭവംമാണ് അരവിന്ദ് കെജ്രിവാളിന്റെ അറസ്റ്റ്. അരവിന്ദ് കേജ്രിവാളിനെ കണ്ടിട്ടില്ല എന്നായിരുന്നു ശരത് ചന്ദ്ര റെഡ്ഢിയുടെ മൊഴി. എന്നാൽ മാപ്പ് സാക്ഷിയാക്കാമെന്നു പറഞ്ഞു മൊഴി മാറ്റിപ്പിച്ചു. കേന്ദ്ര സർക്കാർ ആണ് ശരിക്കും ഇവിടെ കുറ്റവാളിയെന്നും എംവി ഗോവിന്ദൻ ആഞ്ഞടിച്ചു.
