മുംബൈ ഭീകരാക്രമണ മുഖ്യ സൂത്രധാരൻ അബ്ദുൾ റഹ്മാൻ മക്കി മരിച്ചു
മുംബൈ :26/11 മുംബൈ ഭീകരാക്രമണ മുഖ്യ സൂത്രധാരനും ലഷ്‌കർ-ഇ-തൊയ്ബയുടെ ഉപ മേധാവിയുമായ അബ്ദുൾ റഹ്മാൻ മക്കി ലാഹോറിൽ ഹൃദയാഘാതം മൂലം മരിച്ചു.2008ൽ മുംബൈയിൽ നടന്ന ഭീകരാക്രമണത്തിൻ്റെ സൂത്രധാരന്മാരിൽ ഒരാളായ ഹാഫിസ് സയീദിൻ്റെ ഭാര്യാ സഹോദരനായിരുന്നു.
2023 ജനുവരിയിൽ, യുഎൻ സെക്യൂരിറ്റി കൗൺസിൽ (യുഎൻഎസ്‌സി) ലഷ്‌കർ-ഇ-തൊയ്ബ (എൽഇടി) തലവനും 26/11 മുംബൈ ആക്രമണത്തിന് പിന്നിലെ സൂത്രധാരനുമായ അബ്ദുൾ റഹ്മാൻ മക്കിയെആഗോള .
തീവ്രവാദിയായി പ്രഖ്യാപിച്ചിരുന്നു. UNSC പ്രമേയം 2610 (2021) അനുസരിച്ച് ഇയാളെ ആസ്തി മരവിപ്പിക്കൽ, യാത്രാ നിരോധനം, ആയുധ ഉപരോധം എന്നി നടപടികൾക്ക് വിധേയമാക്കി .ഈ ഉപരോധ ത്തിനു കിഴിൽ കീഴിൽ മക്കിയെ ഉൾപ്പെടുത്താൻ ഇന്ത്യ വളരെക്കാലമായി ശ്രമിച്ചിരുന്നു, എന്നാൽ സുരക്ഷാ കൗൺസിലിൽ ചൈന വീറ്റോ ഉപയോഗിച്ച് ഇന്ത്യയുടെ ശ്രമങ്ങളെ ആവർത്തിച്ച് പരാജയപ്പെടത്തി .. 2022 ജൂണിൽ, യുണൈറ്റഡ് സ്റ്റേറ്റ്സിൻ്റെ പിന്തുണയോടെ, നടത്തിയ ഇന്ത്യയുടെ ശ്രമങ്ങളെയും ചൈന തടഞ്ഞു. ജെയ്‌ഷെ മുഹമ്മദിൻ്റെ (ജെഇഎം) തലവനായ മൗലാന മസൂദ് അസ്ഹറിനെ പോലുള്ള പാക്കിസ്ഥാനിലെ ഭീകര ഗ്രൂപ്പുകളെ സംരക്ഷിക്കാനുള്ള സ്ഥിരമായ നീക്കങ്ങളാണ് ചൈനയുടെ ഭാഗത്തുനിന്ന് ഉണ്ടായത് .
ഹഫീസ് സയീദിൻ്റെ (എൽഇടിയുടെ സ്ഥാപകൻ) ഭാര്യാസഹോദരനായ മക്കി ലഷ്‌കർ ഇ ടിയുടെ ഡെപ്യൂട്ടി അമീറായിരുന്നു, കൂടാതെ അതിൻ്റെ രാഷ്ട്രീയ കാര്യങ്ങൾക്ക് മേൽനോട്ടം വഹിച്ചിരുന്നതായും റിപ്പോർട്ടുണ്ട്. ഗ്രൂപ്പിൻ്റെ പ്രവർത്തനങ്ങൾക്കായുള്ള ധനസമാഹരണത്തിലും ഇയാൾ ഏർപ്പെട്ടിരുന്നു. അമേരിക്ക ഇതിനകം തന്നെ മക്കിയെ അവരുടെ ആഭ്യന്തര നിരീക്ഷണ പട്ടികയിൽ തീവ്രവാദിയായി പ്രഖ്യാപിക്കുകയും തലയ്ക്ക് 2 മില്യൺ യുഎസ് ഡോളർ ഇനാം പ്രഖ്യാപിക്കുകയും ചെയ്തിരുന്നു. 2020-ൽ, ഒരു പാകിസ്ഥാൻ തീവ്രവാദ വിരുദ്ധ കോടതി മക്കിയെ തീവ്രവാദത്തിന് ധനസഹായം നൽകിയതിന് തടവിന് ശിക്ഷിക്കുകയും ചെയ്തിരുന്നു.
