പത്മനാഭ സ്വാമിയുടെ മണ്ണിൽ വന്നതിൽ സന്തോഷം, കോൺഗ്രസിനും സിപിഎമ്മിനും എതിരെ രൂക്ഷ വിമർശനവും മുന്നയിച്ചു: പ്രധാനമന്ത്രി
തിരുവനന്തപുരം: ലോക് സഭ തിരഞ്ഞെടുപ്പിൽ പ്രചാരണത്തിന്റെ ഭാഗമായി കേരളത്തിലെത്തി പ്രധാനമന്ത്രി നരേന്ദ്ര മോഡി, ആദ്യം തിരുവനന്തപുരം കട്ടാക്കടയിൽ. മലയാളത്തിൽ സ്വാഗതം പറഞ്ഞാണ് പ്രധാനമന്ത്രി പ്രസംഗം ആരംഭിച്ചത്. പത്മനാഭ സ്വാമിയുടെ മണ്ണിൽ വന്നതിൽ സന്തോഷം. മോദിയുടെ ഗ്യാരണ്ടി എന്ന് ആവർത്തിച്ച്, ശ്രീനാരായണ ഗുരുവിനെയും അയ്യങ്കാളിയെയും അനുസ്മരിച്ചായിരുന്നു മോദിയുടെ പ്രസംഗം. ബിജെപിയുടെ പ്രകടന പത്രിക എന്നാൽ മോദിയുടെ ഗ്യാരണ്ടിയാണെന്ന് വ്യക്തമാക്കിയ പ്രധാനമന്ത്രി, കേരളത്തിൽ വികസനം കൊണ്ടുവരുമെന്നും ഉറപ്പ് പറഞ്ഞു.
അഞ്ചു വർഷത്തിൽ ഭാരതം മൂന്നാം സാമ്പത്തിക ശക്തിയായി മാറുമെന്നും പ്രധാനമന്ത്രി പറഞ്ഞു. സദസ്സിൽ കുഞ്ഞുങ്ങളെ കണ്ടതിൽ സന്തോഷം പ്രകടിപ്പിച്ച് പ്രധാനമന്ത്രി, അവർക്കും നമസ്ക്കാരം പറഞ്ഞു. കേരളത്തിൽ വലിയ വികസന പദ്ധതികൾ കൊണ്ട് വരാനാണ് പദ്ധതി.വിനോദ സഞ്ചാര രംഗത്തു പുത്തൻ വികസന പദ്ധതികൾ വരുമെന്നും. കൂടുതൽ ഹോം സ്റ്റേകൾ തുടങ്ങുകയും തീര വികസനത്തിന്‌ മുൻഗണന നൽകുകയും ചെയ്യുമെന്നും മോദി. മത്സ്യസമ്പത്ത് കൂട്ടാനുള്ള പുതിയ പദ്ധതികളെ കുറിച്ചും പ്രധാനമന്ത്രി വിശദമാക്കി. ദക്ഷിനെന്ത്യയൽ ബുള്ളറ്റ് ട്രെയിൻ വരുമെന്നും സർവെ നടപടി പുതിയ സർക്കാർ തുടങ്ങുമെന്നും മോദി കൂട്ടിച്ചേർത്തു.
പ്രസംഗത്തിൽ കോൺഗ്രസിനും സിപിഎമ്മിനും എതിരെ രൂക്ഷ വിമർശനമുന്നയിച്ചു. ഇവിടെ വലിയ ശത്രുക്കളായവർ ദില്ലിയിൽ സുഹൃത്തുക്കളാണെന്നും. ഇടത് വലത് മുന്നണികളുടെ വിശ്വാസ്യത നഷ്ടപ്പെട്ടു കഴി‍ഞ്ഞുവെന്നും അദ്ദേഹം പറഞ്ഞു. വർക്കല നെടുമങ്ങാട് പോലുള്ള സ്ഥലങ്ങളിൽ പോലും മയക്കുമരുന്ന് സംഘം ശക്തമാണ്. ഇതിന്റെ ക്രെഡിറ്റ് ആർക്കാണെന്നും മോദി ചോദ്യമുന്നയിച്ചു.രണ്ടു പേരും വികസന വിരോധികളെന്നും പ്രധാനമന്ത്രി വിമർശിച്ചു.കോൺഗ്രസിനും ഇടത് പാർട്ടികൾക്കും ഒരു വ്യത്യാസവും ഇല്ല, ഇരു പാർട്ടികളും അഴിമതിക്കാരാണെന്നും അഴിമതി നടത്താൻ മത്സരിക്കുന്നവരാണെന്നും രൂക്ഷമായ ഭാഷയിൽ പ്രധാനമന്ത്രി കുറ്റപ്പെടുത്തി. ഇന്ന് കേരളത്തിൽ പലയിടത്തും കുടിവെള്ളം കിട്ടാനില്ലെന്നും അദ്ദേഹം ചൂണ്ടിക്കാട്ടി.
