കാണാതായ കോഴിക്കോട് വേദവ്യാസസ്‌കൂൾ വിദ്യാർത്ഥിയെ പൂനെയിൽ കണ്ടെത്തി
പൂനെ :കോഴിക്കോട് വേദവ്യാസ സൈനിക സ്കൂളിലെ ഹോസ്റ്റലിൽ നിന്നും ഒളിച്ചോടിയ ഏഴാം ക്ലാസുകാരനെ ,കേരള പോലീസ് പൂനെയിൽ നിന്നും കണ്ടെത്തി. ബീഹാർ സ്വദേശിയായ സൻസ്കാർ കുമാറിനെയാണ് ഈ മാസം 24 മുതൽ കാണാതായത്.
വിദ്യാർത്ഥിയെ കാണാതായ സംഭവത്തിൽ ഹോസ്റ്റൽ അധികൃതര്‍ പോലീസിൽ പരാതി നൽകിയതിൻ്റെ .
അടിസ്ഥാനത്തിൽ നടക്കാവ് പൊലീസ് നടത്തിയ അന്വേഷണത്തിലാണ് പൂനെയിലെ ഒരു ഹോട്ടലിൽ ‘ഹെൽപ്പർ’ ആയി ജോലിചെയ്തുകൊണ്ടിരുന്ന സൻസ്കാർ കുമാറിനെ കണ്ടെത്തുന്നത്.
ഇക്കഴിഞ്ഞ 24ന് പാലക്കാട് നിന്ന് കന്യാകുമാരി -പൂണെ എക്സ്പ്രസിൽ കുട്ടി കയറിയതിന്‍റെ വിവരം പൊലീസ് ലഭിച്ചിരുന്നു. സിസിടിവി ദൃശ്യങ്ങളടക്കം പരിശോധിച്ച് നടത്തിയ അന്വേഷണത്തിലാണ് കുട്ടിയെ കണ്ടെത്താൻ കഴിഞ്ഞത്.
പൂനെയിലേക്ക് പോകുമെന്ന് സഹപാഠികളോട് കുട്ടി നേരത്തെ പറഞ്ഞിരുന്നു. രണ്ടു ദിവസം മുമ്പാണ് പാലക്കാട് നിന്നും ട്രെയിൻ കയറുന്നതിന്‍റെ ദൃശ്യങ്ങള്‍ ലഭിക്കുന്നത്. ഇതാണ് കുട്ടിയെ കണ്ടെത്താൻ നിര്‍ണായകമായത്.നാളെ പോലീസ് സൻസ്കാർ കുമാറിനെ കേരളത്തിലെത്തിക്കും.
