7 ചെറുനാരങ്ങ ഉപയോഗിച്ച് 7 ദിവസംകൊണ്ടു വയറു കുറക്കാം
- വയര്‍ കുറയ്ക്കാന്‍ സ്വാഭാവിക വഴികള്‍ പരീക്ഷിയ്ക്കുന്നതാണ് കൂടുതല്‍ ഗുണകരം.
വയര്‍ ചാടുന്നത് ഇന്നത്തെ കാലത്ത് സ്ത്രീ പുരുഷ വ്യത്യാസമില്ലാതെ പലരേയും അലട്ടുന്ന പ്രശ്‌നമാണ്. വയര്‍ ചാടുന്നത് ആരോഗ്യപരമായ പല പ്രശ്‌നങ്ങളും വരുത്തുകയും ചെയ്യും. വെറും സൗന്ദര്യ പ്രശ്‌നം മാത്രമല്ല, ഇതെന്നു ചുരുക്കം. ഏററവും വേഗം കൊഴുപ്പടിയുന്ന ഭാഗം ഇതാണ്, ഏറ്റവും അവസാനം കൊഴുപ്പു പോകുന്ന ഭാഗവും ഇതു തന്നെയാണ്.
വയറ്റില്‍ കൊഴുപ്പടിഞ്ഞു കൂടുന്നതിന് കാരണങ്ങള്‍ പലതാണ്. സ്ത്രീകളേയാണ് പുരുഷന്മാരേക്കാള്‍ ഇതു കൂടുതല്‍ ബാധിയ്ക്കുന്നത്. ഇവരുടെ ശരീര പ്രകൃതിയാണ് ഇതിനു പ്രധാനപ്പെട്ട ഒരു കാരണം. ഇതിനു പുറമേ പ്രസവം പോലുളളവ സ്ത്രീകളുടെ വയര്‍ ചാടാനുള്ള കാരണമാണ്. വ്യായാമക്കുറവ്, മോശം ഭക്ഷണ ശീലം തുടങ്ങിയ പല കാരണങ്ങളും വയര്‍ ചാടുന്നതിന് അടിസ്ഥാനമായുണ്ട്.
വയര്‍ കുറയ്ക്കാന്‍ ഏറെ ഫലപ്രദമാണ് ചെറുനാരങ്ങ
വയര്‍ കുറയ്ക്കാന്‍ ഏറെ ഫലപ്രദമായ വഴിയാണ് ചെറുനാരങ്ങ. ചെറുനാരങ്ങ പ്രത്യേക രീതിയില്‍ ഉപയോഗിച്ചു വെള്ളം തയ്യാറാക്കി കുടിയ്ക്കുന്നത് ഏറെ നല്ലതാണ്. അടുപ്പിച്ച് 7 ദിവസം ചെയ്താല്‍ തന്നെ കാര്യമായ ഗുണഫലങ്ങള്‍ ലഭിയ്ക്കും. ഏഴു നാരങ്ങ ഏഴു ദിവസം എന്നതാണ് കണക്ക്. ഒപ്പം ഓരോ ടീസ്പൂണ്‍ ജീരകം ഓരോ ദിവസവും.
ചെറുനാരങ്ങയ്‌ക്കൊപ്പം ജീരക വെള്ളവും
ചെറുനാരങ്ങയ്‌ക്കൊപ്പം ജീരകവും ഉപയോഗിയ്ക്കും. ജീരകവും വയര്‍ കുറയ്ക്കാന്‍ ഏറെ നല്ലതാണ്. നല്ലൊന്നാന്തരം ആന്റിഓക്‌സിഡന്റ് ഗുണങ്ങളുള്ള ഒന്നാണ് ജീരകം. വയറിന്റെ ആരോഗ്യത്തിന് ഏറെ ഉത്തമമായ ഒന്ന്. ദഹനം മെച്ചപ്പെടുത്തുവാനും ഗ്യാസ്, അസിഡിറ്റി പ്രശ്‌നങ്ങള്‍ക്കുമെല്ലാമുള്ള ഒരു മരുന്നായ ഇത് ശരീരത്തിലെ ടോക്‌സിനുകള്‍ നീക്കി അസുഖങ്ങള്‍ക്കൊപ്പം ചര്‍മത്തിനും ആരോഗ്യം നല്‍കാന്‍ സഹായിക്കുന്ന ഒന്നു കൂടിയാണ്.
ഏഴു ദിവസത്തേയ്ക്ക് ഏഴു ചെറുനാരങ്ങ എന്നതാണ് ഇതിന്റെ കണക്ക്. ഇതിനൊപ്പം ജീരകവും വേണം. രാത്രി ഒരു ലിറ്റര്‍ വെള്ളത്തില്‍ ഒരു ടേബിള്‍ സ്പൂണ്‍ ജീരകം ഇട്ടു വയ്ക്കുക. ഒരു നാരങ്ങയുടെ നീരു പിഴിഞ്ഞു മാറ്റി വയ്ക്കുക. ഈ നാരങ്ങാത്തൊലി കഷ്ണങ്ങളാക്കി മുറിച്ച് ഈ ജീരക വെള്ളത്തില്‍ ഇടുക. ഇത് തിളപ്പിച്ച് ഒരു ഗ്ലാസ് വെള്ളമായി മാറണം. ചെറിയ ചൂടില്‍ വേണം, തിളപ്പിയ്ക്കുവാന്‍. ഈ വെള്ളം ചെറുചൂടില്‍ ഊറ്റിയെടുക്കുക. ഇതിലേയ്ക്ക് പിഴിഞ്ഞു വച്ചിരിയ്ക്കുന്ന നാരങ്ങയുടെ നീര് ചേര്‍ത്തിളക്കുക. ചെറു ചൂടോടെ കുടിയ്ക്കാം
നാരങ്ങ പോലെ തന്നെയാണ് നാരങ്ങാത്തൊലിയും
നാരങ്ങ പോലെ തന്നെയാണ് നാരങ്ങാത്തൊലിയും. ഇതില്‍ നാരങ്ങയേക്കാള്‍ പോഷകമുണ്ടെന്നു പറയാം. നാരങ്ങാത്തൊലിയിട്ടു തിളപ്പിച്ച വെള്ളത്തിന്റെ ഗുണം ഇതാണ്. ഈ വെള്ളം അടുപ്പിച്ച് 7 0ിവസം തയ്യാറാക്കി കുടിയ്ക്കണം. അതായത് 7 നാരങ്ങയും ജീരകവും. ഈ രീതിയില്‍ തയ്യാറാക്കി രാവിലെ വെറും വയറ്റിലാണ് ഈ വെള്ളം കുടിയ്‌ക്കേണ്ടത്. ഇതില്‍ മറ്റൊന്നും തന്നെ ചേര്‍ക്കേണ്ട ആവശ്യവുമില്ല. ഒരാഴ്ച അടുപ്പിച്ചു ചെയ്യുമ്പോള്‍ തന്നെ കാര്യമായ ഗുണം ലഭിയ്ക്കും.
