അതുൽ സുഭാഷിൻ്റെ മരണം: “പീഡിപ്പിക്കപ്പെടുന്ന പുരുഷന്മാർക്കായി നിയമം വരണം” : സഹോദരൻ ബികാഷ് കുമാർ.
സമസ്തിപൂർ: ബാംഗ്ലൂർ ടെക്കി അതുൽ സുഭാഷിൻ്റെ ആത്മഹത്യയിൽ രാജ്യവ്യാപകമായി രോഷം ഉയരുന്നതിനിടെ, അദ്ദേഹത്തിൻ്റെ സഹോദരൻ കുമാർ നരേന്ദ്ര മോദി സർക്കാരിൽ നിന്ന് നീതി ആവശ്യപ്പെട്ടു, ‘ സ്ത്രീ പീഡനത്തിൽ നിന്ന് പുരുഷന്മാരെ സംരക്ഷിക്കാനുള്ള കർശന നിയമങ്ങളുണ്ടാക്കാൻ സർക്കാർ തയ്യാറാവണം എന്നും ബികാഷ് കുമാർ ആവശ്യമുന്നയിച്ചു.
കോടതിയിലേക്ക് ആവർത്തിച്ച് വിളിപ്പിച്ചതിനെത്തുടർന്ന് സഹോദരൻ സുഭാഷ് മാനസികമായി തളർന്നിരുന്നുവെന്ന് കുമാർ വെളിപ്പെടുത്തി. “പ്രതീക്ഷയൊന്നും അവശേഷിക്കാത്തതിനാലാണ് ജീവനൊടുക്കാൻ അയാൾ നിർബന്ധിതനായത്. തനിക്ക് നീതി ലഭിക്കില്ലെന്ന് സഹോദരന് ഉറപ്പായിരുന്നു,” കുമാർ പറഞ്ഞു.
കഴിഞ്ഞ മൂന്ന് മാസത്തിനിടെ ബാംഗ്ലൂരിൽ നിന്ന് ഉത്തർപ്രദേശിലെ ജൗൻപൂരിലേക്ക് 40-ലധികം തവണ യാത്രചെയ്തത് അവനെ മാനസികമായി തളർത്തി, വിഷാദനും ബലഹീനനുമായി. പീഡനത്തെക്കുറിച്ച് സംസാരിച്ച കുമാർ പറഞ്ഞു, “പുരുഷന്മാർക്ക് വേണ്ടി നിയമങ്ങൾ ഉണ്ടാക്കണം, അതുപോലെ തന്നെ എൻ്റെ സഹോദരന് സംഭവിച്ചത് മറ്റ് പലർക്കും സംഭവിക്കുന്നു. ഇന്ത്യാ ഗവൺമെൻ്റ് ഇത് ഗൗരവമായി കാണണം. ഒരു പുരുഷൻ്റെ ജീവനും സ്ത്രീയുടെ ജീവനും തുല്യമാണ്. പുരുഷന്മാർ വിവാഹത്തെ ഭയപ്പെടുന്നത് കാണാൻ ഞാൻ ആഗ്രഹിക്കുന്നില്ല.”
ഡിസംബർ 9 ന് രാത്രി നടന്ന സംഭവങ്ങളെക്കുറിച്ച് സംസാരിച്ച കുമാർ, സഹോദരനെ അന്വേഷിച്ച് പുലർച്ചെ രണ്ട് മണിയോടെ ഒരു അജ്ഞാത നമ്പറിൽ നിന്ന് തനിക്കൊരു കോൾ വന്നതായി പറഞ്ഞു. “സഹോദരനുമായി സംസാരിച്ചിട്ടുണ്ടോയെന്നും ആത്മഹത്യയെക്കുറിച്ച് എന്തെങ്കിലും അറിയാമോയെന്നും കോളിലുള്ളയാൾ എന്നോട് ചോദിച്ചു. ആരോ എന്നെ പരിഹസിക്കുകയാണെന്ന് ഞാൻ ആദ്യം കരുതി, പെട്ടെന്ന് കോൾ വിച്ഛേദിക്കപ്പെട്ടു. ഞാൻ ആ നമ്പറിലേക്ക് പലതവണ ഡയൽ ചെയ്തെങ്കിലും ഫലമുണ്ടായില്ല. “കുമാർ പറഞ്ഞു.
ആവർത്തിച്ചുള്ള കോളുകൾക്ക് ശേഷം, ആരോ എടുത്തു .പരിഭ്രാന്തനായ ഞാൻ സുഭാഷിന്റെ താമസസ്ഥലത്തുപോയി ഒന്നന്വേഷിക്കാമോ എന്നഭ്യർത്ഥിച്ചു. ഞാൻ ഡൽഹിയിലാണ് താമസിക്കുന്നത്, ഉടൻ തന്നെ ബാംഗ്ലൂരിൽ എത്തുക അസാധ്യമാണ്. അതിനാൽ താങ്കൾ പോയി പരിശോധിക്കാമോ എന്ന് ഞാൻ ചോദിച്ചു. സുഭാഷിൻ്റെ സ്ഥലത്ത് നിന്ന് തൻ്റെ വീടിന് രണ്ട് മണിക്കൂർ യാത്ര ഉണ്ടെന്ന് അദ്ദേഹം പറഞ്ഞു, പോലീസിനെ അറിയിച്ച് കൊണ്ടുപോകാമെന്ന് എനിക്ക് ഉറപ്പ് നൽകി. ” കുമാർ കൂട്ടിച്ചേർത്തു.
ഏതാനും മണിക്കൂറുകൾക്ക് ശേഷം പോലീസ് സുഭാഷിൻ്റെ മൃതദേഹം മാറത്തഹള്ളി പോലീസ് സ്റ്റേഷൻ പരിധിയിൽ വരുന്ന മഞ്ജുനാഥ് ലേഔട്ട് ഏരിയയിലെ വസതിയിൽ നിന്ന് കണ്ടെടുത്തു. മുറിയിൽ നിന്ന് “നീതി ലഭിക്കണം” എന്നെഴുതിയ പ്ലക്കാർഡ് കണ്ടെത്തിയതായി കുമാർ പറഞ്ഞു. തൻ ആത്മഹത്യ ചെയ്യാൻ പോകുന്നതിന്റെ പിന്നിലെ സാഹചര്യങ്ങൾ വിശദീകരിക്കുന്ന 80 മിനിറ്റിലധികം ദൈർഘ്യമുള്ള വീഡിയോ അവൻ റെക്കോർഡുചെയ്‌തു വെച്ചിട്ടുണ്ടായിരുന്നു. ബികാഷ് കുമാർ മാധ്യമങ്ങളോട് പറഞ്ഞു.
ഡിസംബർ 9 നാണ് 34 കാരനായ ഐടി ഇഞ്ചിനീയർ – അതുൽ സുഭാഷ് കുമാർ ബെംഗളൂരുവിലെ മഞ്ജുനാഥ് ലേഔട്ടിലെ വസതിയിൽ ആത്മഹത്യ ചെയ്യുന്നത്. ഭാര്യയെയും കുടുംബാംഗങ്ങളെയും ജഡ്ജിയെയും കുറ്റപ്പെടുത്തി 24 പേജുള്ള ആത്മഹത്യാ കുറിപ്പ് എഴിതിവെക്കുകയും വീഡിയോ വഴി അത് പങ്കുവെച്ചുമാണ് തൂങ്ങിമരിച്ചത്. യുപി സ്വദേശിയാണ് ഇദ്ദേഹം.
മരിച്ച അതുൽ സുഭാഷിൻ്റെ ഭാര്യയ്ക്കും കുടുംബത്തിനുമെതിരെ ആത്മഹത്യാ പ്രേരണക്കുറ്റം ചുമത്തി ബെംഗളൂരു പോലീസ് കേസെടുത്തിട്ടുണ്ട്.. ഭാരതീയ ന്യായ സൻഹിതയിലെ സെക്ഷൻ 108 3(5) പ്രകാരം കേസ് രജിസ്റ്റർ ചെയ്തിട്ടുണ്ടെന്നും അന്വേഷണം നടക്കുകയാണെന്നും പോലീസ് ഉദ്യോഗസ്ഥൻ പറഞ്ഞു.
“മരിച്ചയാളുടെ സഹോദരൻ നൽകിയ പരാതിയുടെ അടിസ്ഥാനത്തിൽ, നിയമപരമായ തർക്കങ്ങൾ പരിഹരിക്കാൻ 3 കോടി ആവശ്യപ്പെട്ടതായി ആരോപിക്കപ്പെടുന്ന ഭാര്യ, അവളുടെ അമ്മ, സഹോദരൻ, അമ്മാവൻ എന്നിവർക്കെതിരെ ഞങ്ങൾ കേസെടുത്തു,” പോലീസ് ഉദ്യോഗസ്ഥർ പറഞ്ഞു.
ഡിസംബർ 12 ബുധനാഴ്ച പട്‌നയിൽ എത്തിച്ച സുഭാഷിൻ്റെ മൃതദേഹം വീട്ടുകാർ ഏറ്റുവാങ്ങി. മകന്റെ മൃതദേഹം കണ്ട അമ്മ ബോധരഹിതയായി. നീതി ലഭിക്കണമെന്നും സുഭാസിനെ ഉപദ്രവിച്ചവർക്കെതിരെ കർശന നടപടി വേണമെന്നും അദ്ദേഹത്തിൻ്റെ കുടുംബം ആവശ്യപ്പെട്ടു.
കേസിൻ്റെ ഗൗരവത്തെക്കുറിച്ച് മുംബൈയിൽ നിന്നുള്ള ഒരു അഭിഭാഷകൻ പറഞ്ഞത് ഇങ്ങനെയാണ് “ഈ കേസ് നിയമത്തിൻ്റെ കടുത്ത ദുരുപയോഗം എടുത്തുകാണിക്കുന്നതാണ് . സ്ത്രീധന നിയമങ്ങൾ ആരും ദുരുപയോഗം ചെയ്യാൻ പാടില്ല ”
നാഷണൽ ക്രൈം റെക്കോർഡ്സ് ബ്യൂറോയുടെ (എൻസിആർബി) കണക്കുകൾ പ്രകാരം 2021ൽ രാജ്യത്തുടനീളം 1.64 ലക്ഷം പേർ ആത്മഹത്യ ചെയ്തു. ഇവരിൽ 81,000 പേർ വിവാഹിതരായ പുരുഷന്മാരാണ്. ഇവരിൽ 33 ശതമാനം പുരുഷന്മാരും കുടുംബ പ്രശ്‌നങ്ങൾ മൂലമാണ് ഈ നടപടി സ്വീകരിച്ചത്, അഞ്ച് ശതമാനം പേർ ദാമ്പത്യ സമ്മർദ്ദം മൂലം ആത്മഹത്യയിലേക്ക് നീങ്ങി.
