കെ എസ് യു പ്രതിഷേധത്തിനിടെ ആരോഗ്യമന്ത്രിക്ക് പരിക്ക്
കണ്ണൂര്: കെ എസ് യു പ്രതിഷേധത്തിനിടെ ആരോഗ്യമന്ത്രി വീണ ജോര്ജിന് പരിക്ക്. കരിങ്കൊടി പ്രതിഷേധത്തിനിടെയാണ് സംഭവം. കണ്ണൂര് റെയില്വേ സ്റ്റേഷനിലാണ് സംഭവം. പ്രതിഷേധത്തിനിടെ വിണാ ജോര്ജിന്റെ കഴുത്തിലും കൈയിലുമാണ് പരിക്കേറ്റത്. തുടര്ന്ന് മന്ത്രിയെ ആശുപത്രിയിലേക്ക് മാറ്റി.കണ്ണൂര് റെയില്വേ സ്റ്റേഷനില് നിന്ന് തിരുവനന്തരപുരത്തേക്ക് പോകുന്നതിനിടെയാണ് കെഎസ്യു പ്രവര്ത്തകള് പ്രതിഷേധവുമായി എത്തിയത്. സംഭവത്തെ തുടര്ന്ന് വന്ദേഭാരത് ട്രെയിന് പോകേണ്ടിയിരുന്ന മന്ത്രി യാത്ര റദ്ദാക്കി. സ്പീക്കര് എ എന് ഷംസീറും സ്ഥലത്തുണ്ട്. മന്ത്രിയെ സമരക്കാര് മര്ദിച്ചുവെന്നാണ് എഎന് ഷംസീര് പ്രതികരിച്ചത്.
