അരവിന്ദ് കെജ്രിവാളിന്റെ ജാമ്യാപേക്ഷ കേസ് ഇന്ന് പരിഗണിക്കാമെന്ന് സുപ്രീം കോടതി
ന്യൂഡൽഹി: മദ്യനയ കേസിൽ അറസ്റ്റിലായ ഡൽഹി മുഖ്യമന്ത്രി അരവിന്ദ് കെജ്രിവാളിന്റെ ജാമ്യാപേക്ഷയിൽ സുപ്രീം കോടതിയിൽ അടിയന്തിര വാദമില്ല. അടിയന്തിരമായി കേസ് പരിഗണിക്കണമെന്ന എഎപി അഭിഭാഷകരുടെ ആവശ്യം സുപ്രീം കോടതി തള്ളി. ഇന്ന് കേസ് പരിഗണിക്കാമെന്ന് സുപ്രീം കോടതി അറിയിച്ചു. പ്രത്യേക ബെഞ്ച് കേസ് പരിഗണിക്കില്ലെന്നാണ് വിവരം. ഇന്ന് കേസ് ലിസ്റ്റ് ചെയ്യും. അറസ്റ്റ് രേഖപ്പെടുത്തിയ ഇഡി സംഘം അരവിന്ദ് കെജ്രിവാളുമായി ഇഡി ഓഫീസിലേക്ക് പോയി. പത്തിലധികം വാഹനങ്ങൾ അകമ്പടിയായാണ് അരവിന്ദ് കെജ്രിവാളുമായുള്ള വാഹനം ഇഡി ഓഫീസിലേക്ക് പോയത്. ഇന്ത്യ സഖ്യത്തിന് അനുകൂല മുദ്രാവാക്യം വിളിച്ചു പ്രവര്‍ത്തകര്‍ പ്രതിഷേധിച്ചു.
