രാസ ലഹരിക്കെതിരെ കല്യാണ്‍ സാംസ്‌കാരിക വേദി
മുംബൈ : മയക്കുമരുന്ന് എന്ന വിപത്തിനെതിരെയും ഹിംസ ആഘോഷമാക്കുന്ന സിനിമകളെയും കുറിച്ച് കല്യാണ്‍ സാംസ്‌കാരിക വേദി ചര്‍ച്ച സംഘടിപ്പിക്കുന്നു. ഏപ്രിൽ 20 ന് വൈകിട്ട് 4. 30ന് കല്യാണ്‍ ഈസ്റ്റ് കൊല്‍സെവാടി മോഡല്‍ സ്‌കൂളില്‍ നടക്കുന്ന ചര്‍ച്ചയില്‍ ‘രാസ ലഹരിയില്‍ വഴിതെറ്റുന്ന യുവത, ഹിംസ ആഘോഷമാക്കുന്ന സിനിമ’ എന്ന വിഷയത്തില്‍ ലിനോദ് വര്‍ഗീസ്, സുജാത നായര്‍, ലിജി നമ്പ്യാര്‍, ദീപാ വിനോദ് കുമാര്‍ എന്നിവര്‍ ലഘു പ്രബന്ധങ്ങള്‍ അവതരിപ്പിക്കുന്നു.
സാംസ്‌കാരിക പ്രവര്‍ത്തകൻ രമേഷ് വാസു മുഖ്യ പ്രഭാഷണം നടത്തും.. മുംബൈയിലെ വിവിധ സാമൂഹിക സംഘടനാ പ്രതിനിധികളും നിയമപാലകരും ചര്‍ച്ചയില്‍ പങ്കെടുക്കും. ചര്‍ച്ചയുടെ ഭാഗമായി പ്രമേയം തയ്യാറാക്കി മഹാരാഷ്ട്ര സര്‍ക്കാരിനും കേരള സര്‍ക്കാരിനും സമര്‍പ്പിക്കുമെന്ന് പ്രസിഡന്റ് ലളിതാ മേനോന്‍ അറിയിച്ചു.
