ഡൽഹിയിൽ TMCയും SPയും ‘ആപ്പി’നെ പിന്തുണക്കുന്നു
ന്യുഡൽഹി : ഡൽഹി നിയമസഭ തെരഞ്ഞെടുപ്പിൽ ആംആദ്മി പാർട്ടിയെ പിന്തുണ അറിയിച്ച്‌ തൃണമൂൽ കോൺഗ്രസ്സും സമാജ്‍വാദി പാർട്ടിയും. എസ്പി അധ്യക്ഷൻ അഖിലേഷ് യാദവ് കേജ്രിവാളിനൊപ്പം റോഡ് ഷോയിൽ പങ്കെടുക്കുമെന്ന് അറിയിച്ചിട്ടുണ്ട്.
.തൃണമൂൽ കോൺഗ്രസ്‌ ആംആദ്മി പാർട്ടിക്കായി പ്രചാരണത്തിന് ഇറങ്ങും എന്ന വിവരത്തിന് പിന്നാലെയാണ് സമാജ് വാദി പാർട്ടിയുടെ പിന്തുണ കൂടി ലഭിക്കുന്നത്. റിത്താല മണ്ഡലത്തിൽ ഈ മാസം 30 ന് അരവിന്ദ് കേജ്രിവാളിനൊപ്പം സമാജ് വാദി പാർട്ടി അധ്യക്ഷൻ അഖിലേഷ് യാദവ് റോഡ് ഷോ നടത്തുമെന്ന് ആംആദ്മി പാർട്ടി അറിയിച്ചു. ആംആദ്‌മിക്കെതിരെ ശക്തമായ ആരോപണങ്ങളുന്നയിച്ചു കോൺഗ്രസ്സ് മത്സരിക്കുമ്പോഴാണ് കോൺഗ്രസ്സിനെ പിന്തുണച്ച്‌ മറ്റു സംസ്ഥാനങ്ങളിൽ മത്സരിച്ച സമാജ്‍വാദിപാർട്ടി ഡൽഹിയിൽ ആംആദ്മി പാർട്ടിയെ പിന്തുണച്ചുകൊണ്ട് രംഗത്തെത്തിയിരിക്കുന്നത് .
