ദുരന്തബാധിതരുടെ വീട്ടുവാടക മുടങ്ങി
വയനാട് മുണ്ടക്കൈ, ചുരല്‍മല ഉരുള്‍പൊട്ടല്‍ ദുരന്തബാധിതര്‍ക്ക് സര്‍ക്കാര്‍ നല്‍കുന്ന വീട്ടുവാടക മുടങ്ങി. ഈ മാസം ആറിനു മുമ്പ് കിട്ടേണ്ടിയിരുന്ന വാടക പതിനൊന്നായിട്ടും നല്‍കിയിട്ടില്ലെന്നാണ് പരാതി. ഇതോടെ വാടക വീടുകളില്‍ കഴിയുന്ന 547 കുടുംബങ്ങള്‍ പ്രതിസന്ധിയിലായി. 547 കുടുംബങ്ങള്‍ക്ക് വാടക നല്‍കുന്ന മുഖ്യമന്ത്രിയുടെ ദുരിതാശ്വാസ നിധി അക്കൗണ്ടില്‍ എട്ടു ലക്ഷം രൂപ യാണ് ബാക്കിയുള്ളത്. വാടക നല്‍കാന്‍ ആവശ്യത്തിന് പണം ലഭ്യമാക്കണമെന്ന് കഴിഞ്ഞ 16 ന് ആവശ്യപ്പെട്ടെങ്കിലും സര്‍ക്കാര്‍ തലത്തില്‍ നടപടി ഉണ്ടായില്ല.
ഇതിനിടെ ദുരിത ബാധിതര്‍ക്കായി സര്‍ക്കാര്‍ പണിയുന്ന ടൗണ്‍ഷിപ്പിലെ ഗുണഭോക്താക്കളുടെ അന്തിമ പട്ടിക ഇനിയും പുറത്തിറങ്ങിയിട്ടില്ല. 452 പേരുടെ പട്ടികയാണ് ടൗണ്‍ഷിപ്പിലെ ഗുണഭോക്താക്കളായി ജില്ലാ ഭരണകൂടം നല്‍കിയത്. 402 പേരുടെ പട്ടികക്ക് പുറമെ 50 പേരെ കൂടി ഉള്‍പ്പെടുത്തണമെന്ന ശുപാര്‍ശ ജില്ലാ ഭരണകൂടം സര്‍ക്കാരിന് നല്‍കി.
