“Harmony Unveiled: Sree Narayana Guru’s Blueprint for World Peace and Progress” – പുസ്തക പ്രകാശനം ഷാർജ അന്താരാഷ്ട്ര പുസ്തക മേളയിൽ
ഷാർജ /മുംബൈ : ശ്രിനാരായണ ഗുരുവിൻ്റെ ഏക ലോക ദർശനത്തെ ലോകവ്യാപകമായി .പ്രചരിപ്പിക്കുക എന്ന ലക്ഷ്യത്തോടെ ഡോ.പ്രകാശ് ദിവാകരനും ഡോ.സുരേഷ് കുമാർ മധുസുദനനും ചേർന്ന് രചിച്ച “Harmony Unveiled: Sree Narayana Guru’s Blueprint for Word Peace and Progress എന്ന പുസ്തകത്തിൻ്റെ പ്രകാശനം 2024 നവംബർ 07 വ്യാഴാഴ്ച രാവിലെ 11.30 മണിക്ക് ഷാർജ അന്താരാഷ്ട്ര പുസ്തകമേളയിലെ ‘റൈറ്റേഴ്സ് ഫോറ’ത്തിൽ വെച്ച് ഏരീസ് ഗ്രുപ്പിൻ്റെ സ്ഥാപകനും ചെയർമാനുമായ സർ സോഹൻ റോയ് നിർവ്വഹിക്കും. ഇറാം ഹോൾഡിംഗ്സ് ചെയർമാൻ ഡോക്റ്റർ സിദ്ധിക്ക് അഹമ്മദ് മുഖ്യാതിഥി ആയിരിക്കും.
ലോകത്ത് നടമാടി കൊണ്ടിരിക്കുന്ന മനുഷ്യത്വപരമല്ലാത്ത പ്രവർത്തികളിൽ നിന്ന് ലോക ജനതയെ നൻമയിലേയ്ക്ക് നയിക്കുകയെന്ന ലക്ഷ്യത്തോടെ മാനവ രാശിയുടെ ഉന്നമനത്തിനായി ആയുസ്സുംശരീരവും സമർപ്പിച്ച ഗുരുവിൻ്റെ ദർശനത്തെ ലോകജനഹൃദയങ്ങളിൽ എത്തിയ്ക്കുക എന്ന മഹത്തായ ലക്ഷ്യത്തോടെയാണ് പുസ്തകത്തിൻ്റെ രചന നിർവഹിച്ചിരിക്കുന്നതെന്ന് പുസ്തകത്തിൻ്റെ രചയിതാക്കൾ അറിയിച്ചു.
വരും നാളുകളിൽ ഗുരുവിനെ അറിയുവാനും ഗുരുവിൻ്റെ സന്ദേശങ്ങളും ദർശനവും ലോക ശാന്തിയ്ക്ക് എത്ര മാത്രം ഉപകാരപ്പെടും എന്ന് വ്യക്തമാക്കാനുമാണ് ഈ പുസ്തകം രചിക്കപ്പെട്ടത്, അത് വഴി ഗുരുവിനെ അറിയാനും കലുഷിതമായ ലോകത്ത് സമാധാനത്തിനുള്ള ഫലപ്രദമായ പരിഹാരങ്ങൾ തേടുന്നതിനുള്ള ദർശനവും സന്ദേശങ്ങളുമാണ് ഈ പുസ്തകത്തിലുള്ളതെന്ന് ഡോ.സുരേഷ് കുമാർ പറഞ്ഞു.
ഗുരുവിന്റെ ജീവിതരേഖയിൽ അടയാളപ്പെട്ട് കിടക്കുന്ന സാഹോദര്യം, അരുൾ, അൻപ്, അനുകമ്പ, ജ്ഞാനം, പുരോഗതി, വിദ്യാഭ്യാസം,വ്യവസായം തുടങ്ങിയ മൂല്യങ്ങളുടെ ഉൾകാഴ്ച്ച കൂടിയാണ് ഈ പുസ്തകം.
“ഒരു പുസ്തകത്തിൽ നിന്ന് ആരംഭിക്കുന്നു” എന്ന പ്രമേയം ഉയർത്തി കൊണ്ടാണ് 43 ആം മത് ഷാർജ അന്തരാഷ്ട്ര പുസ്തക മേള(എസ്.ഐ. ബി.എഫ് 2024) ഷാർജ എക്സ്പോ സെൻ്ററിൽ സംഘടിപ്പിക്കുന്നത്. ഷാർജ പുസ്തകമേളയുടെ മുഖ്യ അകർക്ഷണം ലോകമെമ്പാടുമുള്ള ആയിരകണക്കിന് എഴുത്തുകരയെയും കലാകരൻമാരെയും ഒന്നിപ്പിക്കുക എന്നതാണ്. 122 രാജ്യങ്ങളിൽ നിന്നുള്ള 2522 പ്രസാധകരും പ്രദർശകരും നാനൂറിലേറെ എഴുത്തുകാരും അവരുടെ ഏറ്റവും പുതിയ കൃതികളുമായി എത്തുമെന്നുള്ളതാണ്.
ലിപി പബ്ലിക്കേഷൻസ് ആണ് പുസ്തകത്തിൻ്റെ പ്രസാധകർ.
