മുട്ടറ്റം മുടിക്ക് ഉള്ളിനീരിലുണ്ട്

മുടിക്ക് പ്രത്യേക പരിചരണം നല്‍കാനും മുടി നല്ല കട്ടിയോടെ വളരാനുമായി ആളുകള്‍ പല വീട്ടുവൈദ്യങ്ങളും പരീക്ഷിക്കാറുണ്ട്. മുടിക്ക് വളരെ ഫലപ്രദമായ വീട്ടുവൈദ്യങ്ങളില്‍ ഒന്നാണ് ഉള്ളിനീര്. എന്നാല്‍ ഉള്ളി നീര് മുടിയില്‍ പുരട്ടുന്നത് എങ്ങനെയെന്ന് നിങ്ങള്‍ക്കറിയാമോ? ഉള്ളിനീര് മുടിക്ക് ഒരു വളംപോലെ പ്രവര്‍ത്തിക്കുന്നു. ഇത് നിങ്ങളുടെ മുടി പ്രശ്‌നങ്ങള്‍ പരിഹരിക്കുകയും മുടി വളര്‍ച്ച വര്‍ധിപ്പിക്കുകയും ചെയ്യുന്നു.

ഉള്ളി നീരില്‍ സള്‍ഫര്‍ ധാരാളമായി കാണപ്പെടുന്നുണ്ട്. ഇതുകൂടാതെ, ഉള്ളി ജ്യൂസ് ആന്റിഓക്സിഡന്റുകളുടെയും ആന്റി ബാക്ടീരിയല്‍ ഘടകങ്ങളുടെയും മികച്ച ഉറവിടവുമാണ്. അത്തരമൊരു സാഹചര്യത്തില്‍ ഉള്ളി ജ്യൂസ് നിങ്ങളുടെ മുടിയുടെ ആരോഗ്യം വളരെയേറെ മെച്ചപ്പെടുത്തും. ഇതിന്റെ പതിവ് ഉപയോഗം കാറ്റലേസ് എന്ന ആന്റിഓക്സിഡന്റ് എന്‍സൈമിന്റെ അളവ് വര്‍ദ്ധിപ്പിക്കുന്നു. ഉള്ളി ജ്യൂസിലെ സള്‍ഫര്‍ നിങ്ങളുടെ മുടിയെ പോഷിപ്പിക്കുകയും അവയെ വീണ്ടും സജീവമാക്കാന്‍ സഹായിക്കുകയും ചെയ്യുന്നു. ഇതിലെ ആന്റിഓക്സിഡന്റുകള്‍ മുടി നരയ്ക്കുന്നത് തടയുന്നു. ഉള്ളി നീര് മുടിയില്‍ പുരട്ടുന്ന രീതിയെക്കുറിച്ചും അതിന്റെ ചില ഗുണങ്ങളെക്കുറിച്ചും ഈ ലേഖനത്തില്‍ നിങ്ങള്‍ക്ക് വായിച്ചറിയാം.

ഉള്ളി നീരിന്റെ ഗുണങ്ങള്‍ ഹൈഡ്രജന്‍ പെറോക്സൈഡിനെ വിഘടിപ്പിക്കുന്ന ആന്റിഓക്സിഡന്റ് എന്‍സൈമായ കാറ്റലേസിന്റെ അളവ് വര്‍ദ്ധിപ്പിക്കാന്‍ ഉള്ളി ജ്യൂസ് സഹായിക്കുന്നു. ഇത് മുടിയുടെ വളര്‍ച്ചാ ചക്രം മെച്ചപ്പെടുത്തുകയും മുടി കൊഴിച്ചില്‍ കുറയ്ക്കുകയും ചെയ്യുന്നു. സവാള ജ്യൂസില്‍ സള്‍ഫര്‍ കൂടുതലായി അടങ്ങിയിരിക്കുന്നു. സള്‍ഫര്‍ അടങ്ങിയ അമിനോ ആസിഡുകള്‍ മുടിയുടെ കെരാറ്റിന്റെ ഒരു പ്രധാന ഭാഗമാണ്. ഇത് കൊളാജന്‍ ഉല്‍പാദനത്തിനും സഹായിക്കുന്നു. ആരോഗ്യകരമായ ചര്‍മ്മകോശങ്ങളുടെ ഉത്പാദനത്തിനും മുടിയുടെ വളര്‍ച്ചയ്ക്കും ഇത് സഹായിക്കുന്നു. മുടിപൊട്ടുന്നതു കുറയ്ക്കുന്നതിനും മുടി പ്രോട്ടീന്‍ വര്‍ദ്ധിപ്പിക്കുന്നതിനും തലയോട്ടിയിലെ പോഷകങ്ങള്‍ പുനസ്ഥാപിക്കുന്നതിനും ഇത് ഗുണകരമാണ്. ഉള്ളി ജ്യൂസിലെ ഫ്ളേവനോയ്ഡുകള്‍ പോലുള്ള ആന്റിഓക്സിഡന്റുകള്‍ ഫ്രീ റാഡിക്കലുകളുമായി പോരാടുകയും അകാല നരയെ ചെറുക്കുന്നു. താരന്‍, തലയോട്ടിയിലെ ചൊറിച്ചില്‍ എന്നിവ നിയന്ത്രിക്കാനും ഇത് സഹായിക്കുന്നു.

മുടി വളര്‍ച്ചയ്ക്ക് ഉള്ളി ജ്യൂസ്

പാരിസ്ഥിതിക ഘടകങ്ങള്‍, പോഷകക്കുറവ്, താരന്‍, തലയോട്ടിയിലെ അണുബാധകള്‍, ഹോര്‍മോണ്‍ മാറ്റങ്ങള്‍, മലിനീകരണം തുടങ്ങിയ വിവിധ പ്രശ്നങ്ങള്‍ നിങ്ങളുടെ മുടി കൊഴിച്ചിലിനു കാരണമാകാം. എന്നാല്‍ ഈ പ്രശ്നങ്ങളില്‍ നിന്നു മോചനം നേടാന്‍ സവാള നീര് നിങ്ങളെ സഹായിക്കും. ഒരു വലിയ സവാള ജ്യൂസ് ആക്കി അടിച്ചെടുത്ത് ഒരു കോട്ടണ്‍ തുണിയില്‍ മുക്കിവയ്ക്കുക. ഈ തുണി നിങ്ങളുടെ തലയോട്ടിയിലുടനീളം തേച്ച് ഏകദേശം 30 മിനിറ്റ് വിടുക. ശേഷം മൃദുവായ ഷാംപൂ ഉപയോഗിച്ച് മുടി കഴുകുക. ഒന്നിടവിട്ട ദിവസങ്ങളില്‍ ഇത് ചെയ്യാവുന്നതാണ്.

ആവണക്കെണ്ണ, ഉള്ളി

ജ്യൂസ് ഉള്ളി ജ്യൂസുമായി ചേര്‍ന്ന് പ്രവര്‍ത്തിച്ച് ആവണക്കെണ്ണ നിങ്ങളുടെ മുടിയുടെ വളര്‍ച്ച വര്‍ദ്ധിപ്പിക്കുകയും വോളിയം മെച്ചപ്പെടുത്തി മുടി കട്ടിയാക്കുകയും തലയോട്ടിയിലെ അണുബാധയെ ചെറുക്കുകയും മുടി കൊഴിച്ചില്‍ കുറയ്ക്കുകയും ചെയ്യുന്നു. ലാവെന്‍ഡര്‍ ഓയില്‍ സവാള ജ്യൂസിന്റെ ഗന്ധം കുറയ്ക്കുകയും മുടിയിഴകളുടെ പോഷണം മെച്ചപ്പെടുത്തുകയും ചെയ്യുന്നു.

എങ്ങനെ തയാറാക്കാം

1 വലിയ സവാള, 3 – 4 തുള്ളി ലാവെന്‍ഡര്‍ എണ്ണ അല്ലെങ്കില്‍ ആവണക്കെണ്ണ എന്നിവയാണ് ഇതിനാവശ്യം. ഉള്ളി തൊലികളഞ്ഞ് ചെറു കഷണങ്ങളാക്കി മുറിച്ച് മിനുസമാര്‍ന്ന പേസ്റ്റ് രൂപത്തിലാക്കുക. ഈ മിശ്രിതം അരിച്ചെടുത്ത് ലാവെന്‍ഡര്‍ അല്ലെങ്കില്‍ ആവണക്കെണ്ണ ഇതിലേക്ക് ചേര്‍ക്കുക. ഈ ജ്യൂസ് തലയോട്ടിയില്‍ മസാജ് ചെയ്ത് 15 മുതല്‍ 30 മിനുട്ട് നേരം കഴിഞ്ഞ് കഴുകിക്കളയുക. ശേഷം മൃദുവായ ഷാംപൂ ഉപയോഗിച്ച് മുടി കഴുകുക. ആഴ്ചയില്‍ ഒന്നോ രണ്ടോ തവണ ഇത് നിങ്ങളുടെ മുടിക്ക് പ്രയോഗിക്കാന്‍ കഴിയും. ദൃശ്യമായ ഫലങ്ങള്‍ ലഭിക്കാന്‍ 3 മുതല്‍ 4 മാസം വരെ എടുത്തേക്കാം.

സവാള ജ്യൂസും മുട്ടയും

മുടിയില്‍ അടങ്ങിയ ഫാറ്റി ആസിഡുകള്‍ മുടിക്ക് വോളിയവും തിളക്കവും നല്‍കുന്നു. കൂടാതെ, മുട്ടകളിലെ ഉയര്‍ന്ന പ്രോട്ടീന്‍ ഫോളിക്കിളുകളെ പോഷിപ്പിക്കുകയും മുടിയിഴകളെ കട്ടിയാക്കുകയും ചെയ്യുന്നു. ഇതിന്റെ വിറ്റാമിന്‍ എ, ഡി, ബി 12 എന്നിവ ആരോഗ്യകരമായ മുടി വളര്‍ച്ചയെ പ്രോത്സാഹിപ്പിക്കുന്നു. മുട്ട, ഉള്ളി ജ്യൂസ് എന്നിവ ഒന്നിച്ചുചേര്‍ന്ന് തലയോട്ടിക്ക് ഉത്തേജനം നല്‍കുന്നു.

എങ്ങനെ തയാറാക്കാം

1 ടേബിള്‍ സ്പൂണ്‍ സവാള ജ്യൂസ്, 1 മുട്ട എന്നിവയാണ് ആവശ്യം. ഇത് ചേര്‍ത്ത് മിശ്രിതമാക്കി തലയോട്ടിയിലും മുടിയിലും പുരട്ടുക. തല തുണിയില്‍ പൊതിഞ്ഞ് 20 മുതല്‍ 30 മിനിറ്റ് വരെ വിട്ട ശേഷം കഴുകിക്കളയുക. നല്ല ഫലങ്ങള്‍ക്കായി ആഴ്ചയില്‍ ഒരിക്കല്‍ ഈ മാസ്‌ക് പ്രയോഗിക്കുക. നിങ്ങളുടെ മുടി വരണ്ടതും പൊട്ടുന്നതുമാണെങ്കില്‍ മുട്ടയുടെ മഞ്ഞക്കരു മാത്രം ഉപയോഗിക്കുക.

സവാള ജ്യൂസും തേനും

വരണ്ടതും പൊട്ടുന്നതുമായ മുടിയുള്ളവര്‍ക്ക് ഈ മാസ്‌ക് പ്രത്യേകിച്ചും ഗുണം ചെയ്യും. തേന്‍ ഒരു മികച്ച മോയ്സ്ചുറൈസറാണ്, മാത്രമല്ല മുടിക്ക് ഈര്‍പ്പം നല്‍കുന്നതിലൂടെ വരണ്ട മുടിയെ മൃദുവും മിനുസമാര്‍ന്നതാക്കുന്നു. കൂടാതെ, തേനിന്റെ ആന്റിസെപ്റ്റിക് ഗുണങ്ങള്‍ താരന്‍ നീക്കാന്‍ സഹായിക്കുകയും ഉള്ളി ജ്യൂസ് തലയോട്ടി ചൊറിച്ചില്‍ ശമിപ്പിക്കുകയും ചെയ്യുന്നു.

എങ്ങനെ തയാറാക്കാം

1 ടേബിള്‍ സ്പൂണ്‍ സവാള ജ്യൂസ്, 1 ടേബിള്‍ സ്പൂണ്‍ തേന്‍ എന്നിവ ചേര്‍ത്തിളക്കി മിശ്രിതമാക്കുക. ഈ മിശ്രിതം നിങ്ങളുടെ തലയോട്ടിയില്‍ പുരട്ടുക. 3 – 4 മിനിറ്റ് മസാജ് ചെയ്ത് 20-30 മിനിറ്റ് ഉണങ്ങാന്‍ വിടുക. ശേഷം ഷാമ്പൂ ഉപയോഗിച്ച് മുടി കഴുകുക. നല്ല ഫലങ്ങള്‍ക്കായി ആഴ്ചയില്‍ ഒരിക്കല്‍ ഈ മാസ്‌ക് മുടിക്ക് പുരട്ടാവുന്നതാണ്.