UGCകരടിനെതിരായ കണ്‍വെന്‍ഷനില്‍ അതൃപ്‌തി അറിയിച്ച്‌ ഗവര്‍ണര്‍
തിരുവനന്തപുരം: യുജിസി കരടിനെതിരായ കണ്‍വെന്‍ഷനില്‍ അതൃപ്‌തി പ്രകടിപ്പിച്ച് കേരള ഗവര്‍ണര്‍ രാജേന്ദ്ര വിശ്വനാഥ് അര്‍ലേക്കര്‍. സര്‍ക്കാര്‍ പുറത്തിറക്കിയ സര്‍ക്കുലറില്‍ ഗവര്‍ണര്‍ എതിർപ്പ് പ്രകടിപ്പിച്ചു. സര്‍ക്കാര്‍ ചെലവില്‍ പ്രതിനിധികള്‍ പങ്കെടുക്കണമെന്ന സര്‍ക്കുലര്‍ ചട്ടവിരുദ്ധമെന്ന് രാജ്ഭവന്‍ പ്രതികരിച്ചു.ഗവര്‍ണര്‍ രാജേന്ദ്ര ആര്‍ലേക്കര്‍ മുഖ്യമന്ത്രി പിണറായി വിജയനെ നിലപാട് അറിയിച്ചിട്ടുണ്ട്. നാളെയാണ് (വ്യാഴാഴ്ച) കേരളം സംഘടിപ്പിക്കുന്ന കണ്‍വെന്‍ഷന്‍. ഗവര്‍ണര്‍ അസംതൃപ്തി അറിയിച്ചതോടെ വിസിമാര്‍ പങ്കെടുക്കുമോയെന്ന കാര്യത്തില്‍ ആശയക്കുഴപ്പമുണ്ട്.
