ഗസ്സയിൽ വീണ്ടും ആക്രമണവുമായി ഇസ്രായേൽ; നിരവധി മരണം

ഗസ്സ: ഗസ്സയിൽ വീണ്ടും ആക്രമണവുമായി ഇസ്രായേൽ. ഏറ്റവും അവസാനം നടത്തിയ ആക്രമണത്തിൽ നിരവധി മരണം. വ​ട​ക്ക​ൻ ഗ​സ്സ​യി​ലെ ബെയ്‌ത്ത് ലാ​ഹി​യ പ​ട്ട​ണ​ത്തി​ൽ വീ​ടു​ക​ൾ​ക്കു നേ​രെ​ ഇ​സ്രാ​യേ​ൽ നടത്തിയ ബോം​ബാ​ക്ര​മ​ണ​ത്തി​ൽ 18 പേ​ർ കൊ​ല്ല​പ്പെ​ട്ടു. റഫയിലും വ്യാപക ആക്രമണം നടത്തുകയാണ് ​ ഇസ്രായേൽ.

ഇസ്രായേൽ- ലബനാൻ സംഘർഷം യുദ്ധമാവാതിരിക്കാൻ അമേരിക്കയും യൂറോപ്യൻ യൂണിയനും ശ്രമിക്കുന്നുണ്ട്. ഇസ്രായേൽ- ലബനാൻ യുദ്ധസാഹചര്യം ഒഴിവാക്കാൻ സാധ്യമായ എല്ലാ ശ്രമങ്ങളും തുടരുന്നതായി വൈറ്റ്​ ഹൗസ് അറിയിച്ചു​. ആരും തന്നെ യുദ്ധവ്യാപ്​തി ആഗ്രഹിക്കുന്നില്ലെന്നും രണ്ട് പക്ഷവും സംയമനം പുലർത്തണമെന്നും വൈറ്റ്​ ഹൗസ്​ അറിയിച്ചു. ഗസ്സയിലെ വെടിനിർത്തൽ യാഥാർഥ്യമായാൽ ലബനാൻ, ഇസ്രായേൽ സംഘർഷം ഒഴിവാക്കാൻ സാധിക്കുമെന്നും അന്തർദേശീയ സമൂഹം സമാധാനശ്രമം കൂടുതൽ ഊർജിതമാക്കണമെന്നും യൂറോപ്യൻ യൂണിയൻ രാഷ്​ട്രീയകാര്യ മേധാവി ജോസഫ്​ ബോറൽ പറഞ്ഞു.

മറ്റൊരു യുദ്ധം കൂടി അതിജീവിക്കാനുള്ള ശേഷി മേഖലയ്‌ക്കില്ലെന്നും രാഷ്​ട്രീയ പ്രശ്​നപരിഹാരമാ​ണ്​ ഈ ഘട്ടത്തിൽ വേണ്ടതെന്നും ബോറൽ എടുത്തുപറഞ്ഞു. ഇസ്രായേലിന്റെ സുരക്ഷയും വിജയവും ഉറപ്പാക്കുകയാണ്​ ത​ന്റെ പ്രധാന ലക്ഷ്യമെന്നും അടച്ചിട്ട മുറികൾക്കുള്ളിലെ ചർച്ച വിജയം കാണില്ലെങ്കിൽ കടുത്ത തീരുമാനവുമായി മുന്നോട്ടുപോവുമെന്നും നെതന്യാഹു നിലപാട് അറിയിച്ചു.

തങ്ങളുടെ സൈനിക താവളങ്ങൾ ഇസ്രായേലിന്​ തുറന്നുകൊടുക്കില്ലെന്ന്​ ​ലബനാനിലെ സൈപ്രസ്​ അംബാസഡർ അറിയിച്ചു. ഇസ്രായേലിന്​ സൈനിക സഹായം നൽകിയാൽ സൈപ്രസിനെ വെറുതെവിടില്ലെന്ന്​ ഹിസ്​ബുല്ല നേതാവ്​ ഹസൻ നസ്​റുല്ല കഴിഞ്ഞദിവസം താക്കീത്​ ചെയ്​തിരുന്നു