സിനിമ -സീരിയൽ താരം വിഷ്ണുപ്രസാദ് അന്തരിച്ചു
തിരുവനന്തപുരം: പ്രശസ്ത സിനിമാ സീരിയൽ താരം വിഷ്ണു പ്രസാദ് അന്തരിച്ചു. കരൾ രോഗത്തെത്തുടർന്ന് കുറച്ചുനാളായി ഗുരുതരാവസ്ഥയിൽ ചികിത്സയിലായിരുന്നു . വ്യാഴാഴ്ച രാത്രിയോടെയായിരുന്നു മരണം സംഭവിച്ചത്. നടന് കിഷോര്‍ സത്യയാണ് ഫേസ്ബുക്കിലൂടെ മരണ വിവരം അറിയിച്ചത്. ഒരു സങ്കട വാർത്ത എന്ന് പറഞ്ഞാണ് കിഷോര്‍ സത്യ ഫേസ്ബുക്കില്‍ കുറിപ്പ് പങ്കുവച്ചത്. എറണാകുളത്ത് സ്വകാര്യ ആശുപത്രിയില്‍ വെച്ചായിരുന്നു മരണം . സംസ്കാരം നാളെ നടക്കും.നേരത്തെ നടന്‍റെ ചികിൽസക്ക് 30 ലക്ഷത്തോളം രൂപ ചെലവ് വരുമെന്ന് കിഷോർ സത്യ വെളിപ്പെടുത്തിയിരുന്നു.. സീരിയൽ ആർടിസ്റ്റുകളുടെ സംഘടനയായ ആത്മയിൽ നിന്നും നടന് സാമ്പത്തിക സഹായം നൽകുമെന്നും സിനിമാ താരങ്ങളുടെ സംഘടനയായ അമ്മയിൽ അംഗമായ വിഷ്ണു പ്രസാദിന് ഏതെങ്കിലും വിധത്തിലുള്ള സാമ്പത്തിക സഹായം അവിടെനിന്നു ലഭിച്ചിരുന്നോ എന്ന കാര്യം തനിക്ക് അറിയില്ലെന്നും കിഷോർ സത്യ പറഞ്ഞിരുന്നു.
