കുടുംബ പ്രശ്‌നം :മധ്യവയസ്‌കൻ ഭാര്യയെ കുത്തിക്കൊന്നു
പാലക്കാട് :കുടുംബപ്രശ്‌നത്തെത്തുടർന്ന് മധ്യവയസ്‌കൻ ഭാര്യയെ കുത്തിക്കൊന്നു .ഉപ്പുംപാടത്ത് താമസിക്കുന്ന ചന്ദ്രികയാണ് ഭര്‍ത്താവ് രാജൻ്റെ കുത്തേറ്റ് മരണപ്പെട്ടത് . വീട്ടിനകത്ത് വെച്ച് പരസ്പരം വഴക്കിട്ടതിനെ തുടർന്ന് രാജൻ ചന്ദ്രികയെ കത്തികൊണ്ട് കുത്തുകയായിരുന്നു. ഇതിനുശേഷം രാജൻ സ്വ യംകുത്തിപരിക്കേൽപ്പിക്കുകയായിരുന്നുവെന്നാണ് പോലീസ് നൽകിയ വിവരം . രാജനെ ഗുരുതര പരിക്കുകളോടെ തൃശൂര്‍ മെഡിക്കൽ കോളേജിലേക്ക് മാറ്റി. ഇന്ന് പുലര്‍ച്ചെ അഞ്ചരയോടെയാണ് ദാരുണമായ സംഭവം.
താഴത്തെ നിലയിലാണ് ഇവര്‍ പരസ്പരം വഴക്കിട്ടത്. ശബ്ദം കേട്ട് മുകളിലത്തെ നിലയിൽ നിന്ന് താഴേ എത്തിയ മകളാണ് അമ്മയും അച്ഛനും ചോരയിൽ കുളിച്ചുകിടക്കുന്നത് കണ്ടത്. ഉടനെ ആശുപത്രിയിലെത്തിച്ചെങ്കിലും ചന്ദ്രികയെ രക്ഷിക്കാനായില്ല.
ചന്ദ്രികയുടെ മൃതദേഹം പാലക്കാട് ജില്ലാ ആശുപത്രിയിലേ മോര്‍ച്ചറിയിലേക്ക് മാറ്റി. രാജന് മാനസിക പ്രശ്നങ്ങളുണ്ടെന്ന് പൊലീസ് പറയുന്നു .ഒന്നര വർഷം മുമ്പ് ഇയാൾ ആത്മഹത്യയ്ക്ക് ശ്രമിച്ചിരുന്നു .
