എറണാകുളം പിറവത്തിന് സമീപം പേപ്പതിയിൽ മണ്ണിടിഞ്ഞുണ്ടായ അപകടത്തിൽ 3 പേർ മരിച്ചു

കൊച്ചി: എറണാകുളം പിറവത്തിന് സമീപം പേപ്പതിയിൽ മണ്ണിടിഞ്ഞുണ്ടായ അപകടത്തിൽ 3 പേർ മരിച്ചു. ഇതരസംസ്ഥാനത്തൊഴിലാളികളാണ് അപകടത്തിൽ മരിച്ചത്. ഇവരുടെ പേരു വിവരങ്ങൾ പുറത്തു വന്നിട്ടില്ല.‍റോഡിൽ നിന്നു ഉയരത്തിലുള്ള മൺതിട്ടയ്ക്കു സമീപം കോൺക്രീറ്റ് കെട്ടിപ്പൊക്കുന്നതിനിടെയാണ് അപകടം ഉണ്ടായത്. കെട്ടിട നിർമാണത്തിനായി മണ്ണ് നീക്കവെ ബുധനാഴ്ച വൈകിട്ട് നാലോടെ പിറവം പേപ്പടിയിലായായിരുന്നു അപകടം. കമ്പി നിരത്തിയതിനു മുകളിലായി കുഴിയിൽ നിന്നാണു ജോലി ചെയ്തിരുന്നത്. മണ്ണ് ഇടിഞ്ഞതോടെ തൊഴിലാളികൾ താഴ്ചയിലേക്കു വീഴുകയായിരുന്നു.പോലീസും ഫയർഫോഴ്സും സ്ഥലത്തെത്തിയിട്ടുണ്ട്. ജെസിബി ഉപയോഗിച്ച് മണ്ണു മാറ്റിയാണ് രക്ഷാപ്രവർത്തനം നടത്തുന്നത്.