സ്റ്റാ‍‍ർട്ടപ്പ് ഫെസ്റ്റിവലിലേക്ക് ശശി തരൂരിനെ ക്ഷണിച്ച് DYFIനേതാക്കൾ
ന്യുഡൽഹി: സ്റ്റാർട്ട് അപ് ഫെസ്റ്റിവലിലേക്ക് ശശി തരൂരിനെ ക്ഷണിച്ച് ഡിവൈഎഫ്ഐ നേതാക്കൾ. മാർച്ച് 1,2 തീയതികളിലായി തിരുവനന്തപുരത്താണ് പരിപാടി നടക്കുന്നത്.അഖിലേന്ത്യ അധ്യക്ഷൻ എ എ റഹീം,സംസ്ഥാന സെക്രട്ടറി വി കെ സനോജ്, ഡിവൈഎഫ്ഐ കേന്ദ്ര കമ്മിറ്റി അംഗം എം ഷാജർ എന്നിവരാണ് തരൂരിനെ ക്ഷണിച്ചത്. ഡൽഹിയിൽ വച്ച് നേരിട്ട് കണ്ടായിരുന്നു ക്ഷണം. എന്നാൽ ഈ രണ്ടു ദിവസങ്ങളിലായി നേരത്തെ നിശ്ചയിച്ച പരിപാടികളിൽ പങ്കെടുക്കേണ്ടതുള്ളതുകൊണ്ട് ഏതാണ് സാധിക്കില്ലെന്ന് ശശി തരൂർ അറിയിച്ചു.
വികസന കാര്യത്തിൽ തരൂരിന്റെ നിലപാട് സ്വാഗതാർഹമെന്ന് എഎ റഹീം എംപി പറഞ്ഞു. സംസ്ഥാനത്തിൻ്റെ വികസന നിലപാടിൽ തരൂർ ഉറച്ചുനിൽക്കുന്നതായും എ എ റഹീം എംപി കൂട്ടിച്ചേർത്തു.
എ എ റഹീമിൻ്റെ ഫേസ്ബുക് പോസ്റ്റ്:
മവാസോയിലേയ്ക്ക്ശ്രീ ശശിതരൂർ എം പി യെ ക്ഷണിച്ചു.ഡി വൈ എഫ് ഐ കേരള സംസ്ഥാന കമ്മിറ്റി സംഘടിപ്പിക്കുന്ന സ്റ്റാർട്ട് അപ്പ് ഫെസ്റ്റിവലിലേക്ക് ശ്രീ ശശി തരൂരിനെ ക്ഷണിച്ചു.രാജ്യത്തു ആദ്യമായാണ് ഒരു യുവജന സംഘടന സ്റ്റാർട്ട് അപ്പ് ഫെസ്റ്റിവൽ നടത്തുന്നത്.മാർച്ച് 1,2തിയതികളിലാണ് തിരുവനന്തപുരം ടാഗോർ തിയറ്ററിൽ ഫെസ്റ്റിവൽ സംഘടിപ്പിച്ചിരിക്കുന്നത്.ഡി വൈ എഫ് ഐ യുടെ ഈ ഇടപെടലിനെയും തന്നെ ക്ഷണിക്കാൻ കാണിച്ച മനസ്സിനെയും അദ്ദേഹം അഭിനന്ദിച്ചു.വികസന കാര്യത്തിൽ താൻ രാഷ്ട്രീയം നോക്കാറില്ലെന്നും ശ്രീ ശശി തരൂർ പറഞ്ഞു.പങ്കെടുക്കണം എന്ന് ആഗ്രഹമുണ്ടെങ്കിലും ഈ രണ്ടു ദിവസങ്ങളിലും നേരത്തെ നിശ്ചയിച്ച പരിപാടികൾക്കായി യാത്ര ഉള്ളതിനാൽ മാവാസോയിൽ എത്തിച്ചേരാൻ സാധിക്കില്ല എന്ന് അദ്ദേഹം അസൗകര്യം അറിയിച്ചു.
ഡി വൈ എഫ് ഐ സംസ്ഥാന സെക്രട്ടറി വി കെ സനോജ് ഡി വൈ എഫ് ഐ കേന്ദ്ര കമ്മിറ്റി അംഗം എം ഷാജർ എന്നിവർക്കൊപ്പം അദ്ദേഹത്തിന്റെ ഡൽഹിയിലെ വസതിയിൽ എത്തിയാണ് ക്ഷണിച്ചത്.
