മദ്യപിച്ച്‌ തർക്കം ; കിളിമാനൂരിൽ സുഹൃത്തിനെ യുവാവ് അടിച്ചുകൊന്നു
തിരുവനന്തപുരം : കിളിമാനൂരിൽ മദ്യപിച്ചുകൊണ്ടിരിക്കുന്നതിനിടയിലെ തർക്കം കൊലപാതകത്തിൽ കലാശിച്ചു.. കാട്ടുമ്പുറം അരിവാരിക്കുഴി വടക്കുംകര പുത്തൻ വീട്ടിൽ ഉണ്ണി വത്സല ദമ്പതികളുടെ മകൻ അഭിലാഷ് (28 ) ആണ് മരിച്ചത്. ടയർ റീ ട്രയിഡിങ് തൊഴിലാളിയാണ് അഭിലാഷ്. ഇയാളുടെ സുഹൃത്തും പുളിമാത്ത് പന്തടിക്കളം അങ്കണവാടിക്ക് സമീപം വാടകയ്ക്ക് താമസിക്കുന്നയാളുമായ അരുൺ (38 ) എന്നയാളെയാണ് പൊലീസ് കസ്റ്റഡിയിലെടുത്തിട്ടുള്ളത്. ഇന്ന് രാത്രി 7 മണിയോടെയാണ് സംഭവം നടന്നത്. സംഭവത്തിലെ പ്രതിയായ അരുൺ തന്നെയാണ് പൊലീസ് സ്റ്റേഷനിലെത്തി കൊലപാതക വിവരം അറിയിച്ചത്. അഭിലാഷിന്റെ മൃതദേഹം വലിയകുന്ന് ആശുപത്രിയിൽ സൂക്ഷിച്ചിരിക്കുകയാണ്.
