ഡ്രൈവിംഗ് ടെസ്റ്റ് പരിഷ്കരണം; ഇന്നും ടെസ്റ്റുകൾ ആരംഭിക്കാനായില്ല, ടെസ്റ്റ് ഗ്രൗണ്ടിൽ കിടന്ന് പ്രതിഷേധം
തിരുവനന്തപുരം: സംസ്ഥാനത്ത് മുടങ്ങി കിടന്ന ഡ്രൈംവിഗ് ടെസ്റ്റുകൾ ഇന്നും പുനഃരംഭം കുറിച്ചില്ല. സിഐടിയു ഒഴികെയുള്ള സംഘടനകള്‍ പ്രതിഷേധം നടത്തുന്ന സാഹചര്യത്തിലാണ് സംസ്ഥാന വ്യാപകമായി ഇന്നും ഡ്രൈംവിഗ് ടെസ്റ്റുകള്‍ നടത്താവാഞ്ഞത്. ഐഎൻടിയുസിയു സ്വതന്ത്ര സംഘടനകളും സമരം തുടരുകയാണ്.
തിരുവനന്തപുരം മുട്ടത്തറയില്‍ ഇന്നും ഡ്രൈവിംഗ് ടെസ്റ്റ് നടന്നില്ല. ആരെയും ടെസ്റ്റിന് കയറ്റില്ലെന്നാണ് സമരക്കാർ എംവിഡി ഉദ്യോഗസ്ഥരെ അറിയിച്ചിരിക്കുകയാണ്. കണ്ണൂർ തോട്ടടയിൽ സമരക്കാര്‍ സംയുക്ത സമിതിയുടെ ടെസ്റ്റ് ഗ്രൗണ്ടിൽ കിടന്ന് പ്രതിഷേധം അറിയിച്ചു. എറണാകുളത്തും ഡ്രൈവിംഗ് സ്കൂളുകാർ ടെസ്റ്റ് ബഹിഷ്ക്കരിച്ചു. ടെസ്റ്റ് പരിഷ്ക്കാരങ്ങൾക്കെതിരെ ഐഎൻടിയുസിയും സ്വതന്ത്ര സംഘടനകളുടെ സമരം തുടരുമെന്ന് പ്രഖ്യാപിച്ചതാണ് സമരക്കാരുടെ ഭീഷണി.
