പി.പി. ദിവ്യ അഴിക്കുള്ളിൽ : 14 ദിവസം ജില്ലാ വനിതാ ജയിലിൽ

തലശേരി സെഷൻസ് കോടതി ജാമ്യാപേക്ഷ തള്ളിയതിന് പിന്നാലെയാണ് ദിവ്യ കീഴടങ്ങിയത്. ജാമ്യാപേക്ഷ നിഷേധിച്ചതിനു പിന്നാലെ സിപിഎമ്മും കീഴടങ്ങാൻ ദിവ്യയോട് ആവശ്യപ്പെട്ടിരുന്നു. ദിവ്യയെ കണ്ണൂർ ടൗൺ പൊലീസ് സ്റ്റേഷനിലേക്കെത്തിക്കുമെന്ന് അറിയിച്ചിരുന്നെങ്കിലും മാധ്യമങ്ങളെ കബളിപ്പിച്ച് ദിവ്യയെ ക്രൈംബ്രാഞ്ച് ഓഫിസിലേക്കാണ് എത്തിച്ചത്.

കീഴടങ്ങാനായി എത്തുന്നതിനിടെ കണ്ണാപുരത്ത് വെച്ച് പൊലീസ് ദിവ്യയെ കസ്റ്റഡിയിലെടുക്കുകയായിരുന്നെന്നാണ് വിവരം. ദിവ്യയ്ക്കൊപ്പം 2 പാർട്ടി പ്രവർത്തകരുമുണ്ടായിരുന്നു. ദിവ്യയെ മാധ്യമങ്ങളെ കാണിക്കാതെ രഹസ്യമായ രീതിയിലാണ് പൊലീസ് കസ്റ്റഡിയിലെടുത്തത്