പുതുവർഷ ആശംസ നേർന്നില്ല : യുവാവിനെ കുത്തിവീഴ്ത്തി
തൃശ്ശൂർ: പുതുവർഷ ആശംസ പറയാത്തകാരണത്താൽ യുവാവിനെ കുത്തിവീഴ്ത്തി. തൃശ്ശൂർ മുള്ളൂർക്കരയിലാണ് സംഭവം. ആറ്റൂർ സ്വദേശി സുഹൈബിനാണ് (22) കുത്തേറ്റത്. ദേഹത്താകെ ഇരുപത്തിനാല് കുത്തേറ്റ യുവാവ് ഇപ്പോൾ ഗുരുതരാവസ്ഥയിൽ മെഡിക്കൽ കോളജ് ആശുപത്രിയിൽ ചികിത്സയിലാണ്. പ്രതി ഷാഫിയെ പൊലീസ് അറസ്റ്റ് ചെയ്തതു. ഇയാൾ കഞ്ചാവ് കേസിലെ പ്രതിയാണെന്നും കാപ്പ ചുമത്തപ്പെട്ടിട്ടുണ്ടെന്നും പൊലീസ് അറിയിച്ചു.
ഷാഫിയെ ഒഴിച്ച് ബസ് സ്റ്റോപ്പിൽ ഇരുന്ന മറ്റെല്ലാവർക്കും സുഹൈബ് ആശംസ പറഞ്ഞിരുന്നു. തന്നെ ഒഴിവാക്കിയതിൽ പ്രകോപിതനായാണ് ഷാഫി സുഹൈബിനെ ആക്രമിച്ചതെന്നാണ് പൊലീസിന് ലഭിച്ച വിവരം.
