രാജസ്ഥനെ 20 റൺസിന് തോൽപ്പിച്ച് ഡൽഹി; ബലമായത് സഞ്ജുവിന്റെ തകർപ്പൻ ബാറ്റിംഗ്
ഐപിഎല്ലിൽ രാജസ്ഥാന് വീണ്ടും തോൽവി. ഡൽഹിയോട് 20 റൺസിന് പരാജയപ്പെട്ട് രാജസ്ഥാൻ. ഡൽഹിക്കെതിരെ 222 വിജയലക്ഷ്യത്തിൽ ഇറങ്ങിയ രാജസ്ഥാന്റെ പോരാട്ടം 201ൽ അവസാനിപിക്കേണ്ടി വന്നു.ക്യാപ്റ്റൻ സഞ്ജു ഡൽഹിക്കെതിരെ ആഞ്ഞു പോരാടിയെങ്കിലും മറ്റാർക്കും ടീം ടോട്ടലിൽ വലിയ മാറ്റം ഉണ്ടാക്കാൻ സാധിച്ചില്ല.രാജസ്ഥാന് നിശ്ചിത ഓവറിൽ എട്ടു വിക്കറ്റ് നഷ്ടത്തിൽ 201 റൺസ് എടുക്കാനെ കഴിഞ്ഞുള്ളൂ.
മറുപടി ബാറ്റിങ്ങിനിറങ്ങിയ രാജസ്ഥാന് തുടക്കത്തിൽ തന്നെ ജയ്സ്വാളിനെ നാഷ്ടമായി. പിന്നാലെയെത്തിയ ബട്ലറിനും പൊരുതാതെ മടങ്ങേണ്ടി വന്നു. ജയ്സ്വാൾ നാല് റൺസും ബട്ലർ 19 റൺസുമായാണ് മടങ്ങിയത്. മുന്നിൽ നിന്ന് നയിച്ച സഞ്ജുവിന്റെ പ്രകടനമാണ് രാജസ്ഥാന് കരുത്തായത്. 46 പന്തിൽ 86 റൺസ് സഞ്ജു അടിച്ചുച്ചെടുത്തു. ആറു സിക്സും 8 ഫോറും അടങ്ങുന്ന സഞ്ജുവിന്റെ ഇന്നിങ്സ് കാണിക്കളെ ആവേശം കൊള്ളിച്ചെങ്കിലും 15-ാ ഓവർ എത്തിയ ഖലീൽ അഹമ്മദിന്റെ 4മത്തെ പന്ത് സഞ്ജുവിനെ പുറത്താക്കി.പൊന്നലെയെത്തിയ റയാൻ പരാഗും(27)ശുഭം ദൂബെ(25) എന്നിവർ സഞ്ജുവിന് പിന്തുണ നൽകിയിരുന്നു.
ഡൽഹി എട്ടു വിക്കറ്റ് നഷ്ടത്തിൽ നിശ്ചിത ഓവറിൽ 221 റൺസ് കരസ്ഥമാക്കി.ഡൽഹിക്കായി ഖലീൽ അഹമ്മദ്, മുകേഷ് കുമാർ, കുൽദീപ് യാദവ് എന്നിവർ രണ്ടു വിക്കറ്റ് വീതവും അകസർ പട്ടേൽ, റാസ്ക് സലാം എന്നിവർ ഓരോ വിക്കറ്റും വീഴ്ത്തി. ആദ്യം ബാറ്റിംഗ് ചെയ്ത ഡൽഹി ക്യാപിറ്റൽസിന് തകർപ്പൻ തുടക്കമാണ് ലഭിച്ചത്.ഓപ്പണർമാരായ ജേക് ഫ്രേസർ ജേക് ഫ്രേസർ മക്‌ഗുർകിൻറെയും, അഭഷേക് പോറലിൻറെയും അർധസെഞ്ചുറികളുടെ മികവിൽ 20 ഓവറിൽ എട്ട് വിക്കറ്റ് നഷ്ടത്തിൽ 221 റൺസെടുത്തു. മക്‌ഗുർക് 20 പന്തിൽ 50 റൺസെടുത്തപ്പോൾ അഭിഷേക് പോറൽ 36 പന്തിൽ 65 റൺസെടുത്ത് ഡൽഹിയുടെ ടോപ് സ്കോററായി. ക്യാപ്റ്റൻ റിഷഭ് പന്ത്(15) നിരാശപ്പെടുത്തിയപ്പോൾ അവസാന ഓവറുകളിൽ തകർത്തത് ട്രൈസ്റ്റൻ സ്റ്റബ്സ്(20 പന്തിൽ 41) ഇതുടി ആയതോടെയാണ് ഡൽഹി മികച്ച സ്കോറിലെത്തിയത്. രാജസ്ഥാന് വേണ്ടി അശ്വിൻ മൂന്ന് വിക്കറ്റെടുത്തു. ബോൾട്, സന്ദീപ് ശർമ, ചഹൽ എന്നിവർ ഓരോ വിക്കറ്റും വീതം വീഴ്ത്തി.
