‘കുറ്റവും ശിക്ഷയും’ റേഡിയോ നാടകം നാളെമുതൽ
തിരുവനന്തപുരം: ആകാശവാണി തിരുവനന്തപുരം നിലയത്തിന്റെ എഴുപത്തി അഞ്ചാംവാർഷികാഘോഷത്തോടനുബന്ധിച്ച്‌ ഫിയോദർ ദസ്തയേവ്സ്കിയുടെ ‘കുറ്റവും ശിക്ഷയും’ നോവൽ തുടർ നാടകമായി പ്രക്ഷേപണം ചെയ്യുന്നു.എഴുത്തുകാരൻ ഡോ.എം. രാജീവ്കുമാറാണ് റേഡിയോ രൂപാന്തരം നിർവഹിച്ചിരിക്കുന്നത്.
ക്രിസ്തുമസ് ദിനം മുതൽ ഉച്ചയ്ക്ക് 2.15ന് ആകാശവാണിയുടെ തിരുവനന്തപുരം,കോഴിക്കോട് ,കണ്ണൂർ ,മഞ്ചേരി, കവരത്തി നിലയങ്ങളിലൂടെ അറുപതിലേറെ ഭാഗങ്ങളുള്ള തുടർ നാടകം ശ്രോതാക്കൾക്ക് കേൾക്കാം.
