സാമൂഹ്യ പ്രവർത്തകൻ കെ.കെ മുരളിധരൻ്റെ നിര്യാണത്തിൽ അനുശോചിച്ചു

മുംബൈ: ഇടതുപക്ഷ തൊഴിലാളി സംഘടന നേതാവ്,കേരളീയ കേന്ദ്ര സംഘടന സെക്രട്ടറി, ട്രഷറർ, കായിക വിഭാഗം കൺവീനർ, ബോറിവലി, ബൈക്കുള മലയാളി സമാജം ഭാരവാഹി , മുംബൈയിലെ വിവിധ സമാജങ്ങളിലെ പ്രവർത്തക സമിതി അംഗം എന്നീ നിലകളിൽ മുംബൈ മലയാളികളുടെ കലാ സാംസ്കാരിക സാമൂഹിക രാഷ്ട്രീയ രംഗത്ത് സജീവമായിരുന്ന കെ.കെ. മുരളീധരൻ നിര്യാണത്തിൽ ‘ശ്രീമാൻ മെമ്മോറിയൽ ഫൗണ്ടേഷൻ’ അനുശോചന യോഗം ചേർന്നു.

ഫൗണ്ടേഷൻ പ്രസിഡൻ്റ് പി. രാധകൃഷ്ണൻ അനുസ്മരണ പ്രഭാഷണം നടത്തി. യോഗത്തിൽ ചെമ്പൂർ മലയാളിസമാജം പ്രസിഡന്റ് കെ.വി. പ്രഭാകരൻ അധ്യക്ഷനായി. ജനറൽ സെക്രട്ടറി പി പി അശോകൻ സ്വാഗതം പറഞ്ഞു.

ബൈക്കുള മലയാളി സമാജം വൈസ് പ്രസിഡണ്ട് കെ. ഉണ്ണികൃഷ്ണൻ,ശിവപ്രസാദ് കെ. നായർ (സെക്രട്ടറി ഫെയ്മ മഹാരാഷ്ട്ര മുംബൈ സോണൽ ), അഡ്വ.രാജ്‌ കുമാർ , എം. ബാലൻ (പി.എ.സി.സി.), സി.എച്ച്. ഗോപാൽ (ചെമ്പൂർ മലയാളി സമാജം), കെ. വേണുഗോപാൽ (ചെമ്പൂർ മലയാളി സമാജം)അനൂപ്‌കുമാർ ( NRMU മുൻ യൂണിയൻനേതാവ്) , ബൈജു സാൽവിൻ ( ശ്രീമാൻ മെമ്മോറിയൽ ഫൗണ്ടേഷൻ ) എന്നിവർ സംസാരിച്ചു.

സാമൂഹികപ്രവർത്തകൻ, മലയാളി സംഘടനാനേതാവ്, യൂണിയൻ നേതാവ് എന്നീ മേഖലകളിൽ പേരെടുത്ത കെ.കെ . മുരളീധരൻ്റെ മുംബൈ നഗരത്തിലെ പ്രവർത്തനങ്ങളെ കുറിച്ച് നിരവധി പേർ അനുസ്മരിച്ചു .

കോട്ടയം ജില്ലയിലെ രാമപുരത്തെ സ്വന്തം വസതിയിൽ വെച്ചാണ് കെ.കെ . മുരളീധരൻ മരണപ്പെടുന്നത്