അടഞ്ഞ് കിടന്ന കടയില്‍ നിന്നും മോട്ടര്‍ മോഷ്ടിച്ച പ്രതികൾ പോലീസ് പിടിയിൽ
ആലപ്പുഴ : അടഞ്ഞ് കിടന്ന കടയില്‍ നിന്നും മോട്ടോർ മോഷ്ടിച്ച് കടന്നുകളഞ്ഞ പ്രതികൾ ഉടൻ പോലീസ് പിടിയിൽ. 13.11.2025 തീയതി വൈകിട്ട് 6.00 മണിയോടെ ഉടമസ്ഥന്‍ കടയില്‍ ഇല്ലാതിരുന്ന സമയത്താണ് പ്രതികൾ മോഷണം നടത്തിയത്. കടയുടെ പുറത്ത് ഭിത്തിയില്‍ സ്ക്രൂ ഉപയോഗിച്ച് ഫിറ്റ് ചെയ്തിരുന്ന 6000/- (ആറായിരം ) രൂപ വിലയുള്ള വെള്ളം പമ്പ് ചെയ്യുന്ന മോട്ടര്‍ ആണ് പ്രതികൾ മോഷണം ചെയ്തുതെടുത്ത് വിറ്റത്. തുറവൂര്‍ പഞ്ചായത്ത് 14 ആം വാർഡിൽ തിരുമാലഭാഗം .പി ഒ യിൽ പുതുവല്‍ നികര്‍ത്ത് വീട്ടിൽ വിനയന്‍ പി വി(1)9, തൈക്കാട്ടുശ്ശേരി പഞ്ചായത്ത് 16 ആം വാർഡിൽ തൈക്കാട്ടുശ്ശേരി .പി ഒ യിൽ നികര്‍ത്തില്‍ വീട്ടിൽ ജയ്‌മോന്‍ എന്ന് വിളിക്കുന്ന വര്‍ഗീസ്‌ എന്‍ ടി (19), തൈക്കാട്ടുശ്ശേരി പഞ്ചായത്ത് 14 ആം വാർഡിൽ മണപ്പുറം.പി ഒ യിൽ തട്ടാ വെളിയില്‍ വീട്ടിൽ വൈശാഖ് രാജു.(21), തുറവൂര്‍ പഞ്ചായത്ത് 14 ആം വാർഡിൽ തിരുമാലഭാഗം.പി ഒ യിൽ മാക്കിത്തറ വീട്ടിൽ അശ്വിന്‍ ദേവ്(19), എന്നിവരാണ് പോലീസ് പിടിയിലായത്.
പ്രതികൾ മോഷ്ടിച്ചെടുത്ത മുതല്‍ പിന്നീട് സ്റ്റേഷൻ പരിധിയിലെ ആക്രികടയിൽ നിന്ന് പോലീസ് കണ്ടെടുത്തു. കുത്തിയതോട് പോലീസ് ഇൻസ്പെക്ടർ അജയ് മോഹന്റെ നേതൃത്വത്തിൽ പോലീസ് സബ്ബ് ഇൻസ്പെക്ടർ, ബജിത്ത് ലാല്‍,വേണുഗോപാല്‍, സിവിൽ പോലീസ് ഓഫീസർ വിജേഷ്, രഞ്ജിത്ത്, പ്രവീണ്‍, രജീഷ് എന്നിവരാണ് അന്വേഷണ സംഘത്തിൽ ഉണ്ടായിരുന്നത്. കോടതിയിൽ ഹാജരാക്കിയ പ്രതികളെ റിമാന്റ് ചെയ്തു.
