ചില്ല് ശ്രീകുമാറിനെ സെൻട്രൽ ജയിലിലേക്ക് മാറ്റി
കൊട്ടാരക്കര: കൊട്ടാരക്കര സബ് ജയിലിൽ തടവുകാർക്കും ജയിൽ ജീവനക്കാർക്കുമെതിരെ രണ്ടു ദിവസം ആക്രമണം നടത്തിയ ചില്ല് ശ്രീകുമാറിനെ തിരുവനന്തപുരം സെൻട്രൽ ജയിലേക്ക് മാറ്റി. കഴിഞ്ഞ രണ്ടു ദിവസമായി കൊട്ടാരക്കര
സ്‌പെഷ്യൽ സബ് ജയിലിൽ അക്രമാസക്തനായ ചില്ല് ശ്രീകുമാർ നിരവധി സഹതടവുകാരെ കുപ്പിച്ചില്ല് ഉപയോഗിച്ച് മുറിവേൽപ്പിക്കുകയും രണ്ടു ജയിൽ ഉദ്യോഗസ്ഥരെ മർദ്ദിക്കുകയും ചെയ്തി രുന്നു. സഹ തടവുകാരായ എം.മനു(36), ജയിൻ സാം(31), അസി.പ്രിസൺ ഓഫീസർമാരായ ധനേഷ് കുമാർ(31), രാമചന്ദ്രൻ(36) എന്നിവരാണ് താലൂക്കാശുപത്രിയിൽ ചികിത്സ നേടിയത്.
