ഗാമിനി ചീറ്റ പ്രസവിച്ചു, 5 കുഞ്ഞുങ്ങൾ
ഭോപ്പാൽ: ചീറ്റാ പ്രോജക്റ്റിന്‍റെ ഭാഗമായി ആഫ്രിക്കയിൽ നിന്ന് മധ്യപ്രദേശിലെ കുനോ ദേശീയോദ്യാനത്തിൽ എത്തിച്ച ഗാമിനി എന്ന ചീറ്റ പ്രസവിച്ചു. അഞ്ചു കുഞ്ഞുങ്ങളാണ് ഒറ്റ പ്രസവത്തിൽ പിറന്നിരിക്കുന്നത്. ഇതോടെ രാജ്യത്തെ ചീറ്റകളുടെ എണ്ണം 22ൽ നിന്ന് ഒറ്റയടിക്ക് 26ആയി മാറി.
ദക്ഷിണാഫ്രിക്കയിലെ സ്വാലു കലഹാരി റിസർവിൽ നിന്നും എത്തിച്ച ഗാമിനിക്ക് അഞ്ച് വയസ്സാണ് പ്രായം. ചീറ്റ പ്രോജക്റ്റ് നടപ്പാക്കിയതിനു ശേഷം ഇന്ത്യയിൽ ആകെ 13 ചീറ്റക്കുഞ്ഞുങ്ങളാണ് പിറന്നത്. നാലാമത്തെ പെൺചീറ്റയാണ് ഇന്ത്യയിൽ പ്രസവിക്കുന്നത്. കഴിഞ്ഞ വർഷം നമീബിയയിൽ നിന്ന് എത്തിച്ച ജ്വാല നാലു കുഞ്ഞുങ്ങളെ പ്രസവിപ്പിച്ചിരുന്നു.
