താലി മാല നഷ്ടപ്പെട്ടെന്ന് കോൺഗ്രസ് വനിത നേതാവ്
തിരുവനന്തപുരം : കോൺഗ്രസ് നേതാവ് വീണ എസ് നായരുടെ താലി മാല നഷ്ടപ്പെട്ടു. ഫെയ്സ്ബുക്ക് അക്കൗണ്ടിലൂടെയാണ് കെപിസിസി ഡിജിറ്റൽ മീഡിയ സെൽ അംഗം വീണ എസ് നായർ വിവരം പങ്കുവച്ചത്. ഇക്കാര്യം അറിയിച്ചത്. ഒക്ടോബർ 26-ാം തീയതി രാത്രി പത്തരയ്ക്ക് ശേഷമാണ് മാലയും താലിയും കാണാതായതെന്ന് കുറിപ്പിൽ പറയുന്നു.
നഷ്ടപ്പെട്ട സാധനങ്ങൾ ആരുടെയെങ്കിലും കൈയിൽ കിട്ടിയിട്ടുണ്ടെങ്കിൽ അറിയിക്കണം. വിൽപനക്കോ പണയത്തിനോ എത്തിയതായി ശ്രദ്ധയിൽ പെടുന്നെങ്കിൽ പൂജപ്പുര പൊലീസ് സ്റ്റേഷനിൽ അറിയിക്കണം എന്ന അഭ്യർഥനയും കോൺഗ്രസ് നേതാവ് കുറിപ്പിൽ പറയുന്നു. മാല നഷ്ടപ്പെട്ട സംഭവത്തിൽ പൊലീസിൽ പരാതി നൽകി കാത്തിരിക്കുകയാണ് വീണ എസ് നായർ.
