ബ്രഹ്മകുമാരിസ് ലോക ബോക്സിംഗ് താരം മേരികോമിനെ ആദരിച്ചു.
മുംബൈ : എം‌കെ‌എസ് കോളേജ് -മലാഡിൻ്റെ സഹകരണത്തോടെ ബ്രഹ്മകുമാരിസ് മലാഡ് വെസ്റ്റ് ശാഖ ഇന്ന് മലാഡ് വെസ്റ്റിലെ എൻ‌എൽ കോളേജ് ഓഡിറ്റോറിയത്തിൽ സംഘടിപ്പിച്ച പരിപാടിയിൽ വെച്ച് ലോക ബോക്സിംഗ് താരം ,(ഒളിമ്പ്യൻ ,പത്മവിഭൂഷൺ ) മേരി കോമിനെ അനുമോദിക്കുകയും ആദരിക്കുകയും ചെയ്തു.
ഇൻസ്റ്റിറ്റ്യൂട്ട് ഡയറക്ടർ ആൻസി ജോസ് ചടങ്ങിലേക്ക് മേരികോമിനെ സ്വാഗതം ചെയ്തു.
ബ്രഹ്മകുമാരീസിലെ സഹോദരി നീരജ വിജയത്തിനായി നമ്മുടെ മാനസിക നിലയെ എങ്ങനെ സജ്ജമാക്കാം, അതിന് ഏകാഗ്രതയോടെയുള്ള ധ്യാനം എങ്ങനെ ഫലപ്രദമാണെന്നതിനെക്കുറിച്ചും വിശദീകരിച്ചു.
വിജയത്തിനായുള്ള വിവിധ ഉൾക്കാഴ്ചകൾ അവർ പങ്കുവെച്ചു. വ്യാഖ്യാനങ്ങളിലൂടെയാണ് ധ്യാനം നടന്നത്, അവിടെ എല്ലാവരും ആഴത്തിലുള്ള ഐക്യവും സമാധാനവും അനുഭവിച്ചു.
തന്റെ കഠിനാധ്വാനത്തെക്കുറിച്ചും പോരാട്ടങ്ങളെക്കുറിച്ചും ഒരിക്കലും തളരാത്ത മനോഭാവത്തെക്കുറിച്ചും മേരികോം ദീർഘനേരം സംസാരിച്ചു.വിജയത്തിനായി താൻ ദൃഢനിശ്ചയം ചെയ്തിരുന്നു എന്ന് വൈകാരികമായി അവർ പറഞ്ഞു. ഓരോ മെഡലിനു ശേഷവും തന്റെ വിജയ നിലവാരം നിലനിർത്താൻ താൻ എത്രമാത്രം കഠിനാധ്വാനം ചെയ്തുവെന്ന് മേരികോം വിശദീകരിച്ചു. അവളുടെ നേട്ടങ്ങൾ എടുത്തുപറഞ്ഞു.ഇൻസ്റ്റിറ്റ്യൂട്ടിൻ്റെ പ്രവർത്തങ്ങളെക്കുറിച്ച്‌ പ്രിൻസിപ്പൽ മൗഷ്മി സംസാരിച്ചു.
