ഇപ്റ്റ- മുംബൈ ചാപ്റ്ററിൻ്റെ ‘ഭാസ്കരസന്ധ്യ’ – നെരൂളിൽ
നവി മുംബൈ: മലയാള തെളിമയും കേരള തനിമയും ചേർത്തു പിടിച്ച പ്രശസ്ത കവി പി. ഭാസ്കരൻ്റെ ജന്മശതാബ്ദിയോടനുബന്ധിച്ച് നടത്തുന്ന ‘ഭാസ്കര സന്ധ്യ’, ഡിസം.7 ന് , ശനിയാഴ്ച്ച- വൈകുന്നേരം 6 മണിക്ക് നെരുളിലെ ന്യൂ ബോംബ കേരളീയ സമാജം ഹാളിൽ അരങ്ങേറും.
പുലർകാലത്തും പത്തുവെളുപ്പിലും പൗർണ്ണമിയിലും പാടിത്തീരാത്തൊരു സാംസ്കാരിക സവിശേഷമായ
പി.ഭാസ്കരൻ്റെ കവിതകളും ചലച്ചിത്ര ഗാനങ്ങളും കോർത്തിണക്കിക്കൊണ്ട് , അദ്ദേഹത്തിന്റെ പ്രധാന രചനകളുടെ സാന്ദർഭികതയും സൗന്ദര്യവും പ്രസക്തിയും അടയാളപ്പെടുത്തുന്ന ‘ഭാസ്കരസന്ധ്യ’ സംഘടിപ്പിക്കുന്നത് ‘ഇപ്റ്റ- കേരള’യുടെ മുംബൈ ഘടകമാണ്.
കേരളത്തിലെ പ്രശസ്ത കാവ്യാലാപകനായ ബാബു മണ്ടൂരാണ് പരിപാടി നയിക്കുന്നത്. മുംബൈയിലെ പ്രശസ്ത സംഗീത പ്രതിഭകളും ഭാസ്കരസന്ധ്യയിൽ അണിചേരും.
പരിപാടിയിലേയ്ക്ക് എല്ലാ കലാസ്വാദകരേയും സ്വാഗതം ചെയ്യുന്നതായി സംഘാടകർ അറിയിച്ചു.
