വസായ് ഹിന്ദുമഹാസമ്മേളനം: ഭദ്രദീപം കൊടുങ്ങല്ലൂർ ക്ഷേത്രത്തിൽ പൂജിച്ച നിലവിളക്ക്
വസായ്/ കൊടുങ്ങല്ലൂർ : ജനുവരി 11,12 തീയ്യതികളിൽ വസായിയിൽ നടക്കുന്ന അഞ്ചാമത് ഹിന്ദുമഹാസമ്മേളനത്തിൽ ഭദ്രദീപം തെളിയിക്കുന്നത് കൊടുങ്ങല്ലൂർ ശ്രീകുറുംബ ക്ഷേത്രത്തിൽ പൂജിച്ച നിലവിളക്ക് . പ്രമുഖ സാമൂഹ്യ പ്രവർത്തകനും ഭാരതീയ ജനതാ പാർട്ടി നേതാവുമായ എ ആർ ശ്രീകുമാർ സമർപ്പിച്ച നിലവിളക്ക് പൂജിച്ച ശേഷം ക്ഷേത്ര സന്നിധിയിൽ വെച്ച് ഹിന്ദു മഹാസമ്മേളനത്തിൻ്റെ സംഘാടകനായ ഉത്തംകുമാറിന് കൈമാറി. ചടങ്ങിൽ ഭാരതീയ ജനതാ പാർട്ടിയുടെ നേതാക്കൾ കൊടുങ്ങല്ലൂർ നഗരസഭയിലെ ഭാരതീയ ജനതാപാർട്ടിയുടെ കൗൺസിലർമാർ എന്നിവർ സന്നിഹിതരായിരുന്നു.
