സീറ്റിലിരുന്ന് മദ്യപിച്ച BEST ബസ് ഡ്രൈവറെ ജോലിയിൽ നിന്ന് പിരിച്ചുവിട്ടു.
മുംബൈ :ഡിസംബർ 9-ന് കുർള വെസ്റ്റിൽ ബെസ്റ്റ് ൻ്റെ ഇലക്ട്രിക് ബസ് വാഹനങ്ങളിലേക്കും ആളുകളിലേക്കും ഇടിച്ച ഭയാനകമായ അപകടത്തിന് ശേഷം ഡ്രൈവർമാർ മദ്യം വാങ്ങുകയോ കുടിക്കുകയോ ചെയ്യുന്നതിൻ്റെ വീഡിയോകൾ സാമൂഹ്യ മാധ്യമങ്ങളിൽ വൈറലാവുകയാണ്.
ഒരു വീഡിയോയിൽ, ഒരു ഡ്രൈവർ സീറ്റിൽ ഇരുന്നു മദ്യം കഴിക്കുന്നതും ഒരു സുരക്ഷാ ഉദ്യോഗസ്ഥൻ ചോദ്യം ചെയ്യുന്നതും കാണാം. മുളുണ്ട് ഡിപ്പോയിൽ നിന്നുള്ളതാണ് വീഡിയോ, തിരഞ്ഞെടുപ്പ് ദിവസം നടന്നതാണ്.
” ഈ ഡ്രൈവറെ ഉടൻ ജോലിയിൽ നിന്ന് പിരിച്ചുവിട്ടു. ഡ്രൈവർമാർ റോഡരികിൽ ബസുകൾ നിർത്തുന്നതും മദ്യം വാങ്ങി സീറ്റിലേക്ക് മടങ്ങുന്നതും കാണുന്ന മറ്റ് മൂന്ന് വീഡിയോകളും ഞങ്ങൾക്ക് ലഭിച്ചിട്ടുണ്ട്,” ഒരു നഗരസഭയുടെ ഗതാഗത വിഭാഗത്തിലെ ഒരു ഉന്നത ഉദ്യോഗസ്ഥൻ പറഞ്ഞു.
ഈ വീഡിയോകളിൽ രണ്ടെണ്ണം ബാന്ദ്ര ഈസ്റ്റിൽ നിന്നും അന്ധേരിയിൽ നിന്നുമുള്ളതാണ്, മൂന്നാമത്തേതിൻ്റെ സ്ഥാനം വ്യക്തമല്ല.
കുർള വെസ്റ്റ് അപകടത്തിന് രണ്ട് ദിവസത്തിന് ശേഷം ഡിസംബർ 11 നാണ് ബാന്ദ്ര ഈസ്റ്റ് വീഡിയോ ചിത്രീകരിച്ചതെന്ന് വൃത്തങ്ങൾ അറിയിച്ചു.ഈ വീഡിയോകളിൽ കാണുന്ന ഡ്രൈവർമാർക്കെതിരെ BEST അധികാരികൾ എന്ത് നടപടി സ്വീകരിച്ചുവെന്ന് അറിയില്ല.
ഈ വീഡിയോകൾ BESTനേയും അതിലെ ജീവനക്കാരുടെയും പ്രതിച്ഛായയെ കളങ്കപ്പെടുത്തുന്നുവെന്ന് ബെസ്റ്റ് കംഗർ സേന പ്രസിഡൻ്റ് സുഹാസ് സാമന്ത് പത്രസമ്മേളനത്തിൽ പറഞ്ഞു.
“ബെസ്റ്റ് ജീവനക്കാർ സ്റ്റാൻഡിംഗ് ഓർഡറുകൾക്കും സേവന ചട്ടങ്ങൾക്കും വിധേയരാണ്. അതിനാൽ, റോഡിൽ എവിടെയും ബസുകൾ നിർത്തി മദ്യം വാങ്ങാൻ അവർ ധൈര്യപ്പെടില്ല,” സാമന്ത് അവകാശപ്പെട്ടു.
