അർച്ചനയുടെ മരണം ഭർതൃമാതാവ് അറസ്റ്റിൽ

തൃശ്ശൂർ : തൃശ്ശൂർ വരന്തരപ്പിള്ളിയിൽ ഗർഭിണിയായ യുവതി മരിച്ച സംഭവത്തിൽ ഭർത്താവിന്റെ മാതാവിനെ പോലീസ് അറസ്റ്റ് ചെയ്തു. നന്ദിപുലം മാട്ടുമല മാക്കോത്ത് രജനി (49)യെയാണ് പോലീസ് അറസ്റ്റ് ചെയ്തത്. അർച്ചനയുടെ അച്ഛന്റെ പരാതിയിൽ നേരത്തെ ഭർത്താവ് ഷാരോണിനെ പോലീസ് അറസ്റ്റ് ചെയ്തിരുന്നു. ഇതിനു പിന്നാലെയാണ് ഷാരോണിന്റെ അമ്മയെയും പോലീസ് കേസിൽ പ്രതി ചേർത്തത്. സ്ത്രീധന പീഡന വകുപ്പുകൾ ചുമതിയാണ് അറസ്റ്റ് രേഖപ്പെടുത്തിയിരിക്കുന്നത്. കഴിഞ്ഞമാസം 26ന് വൈകിട്ട് നാലോടെയാണ് രജനിയുടെ മകൻ ഷാരോണിന്റെ ഭാര്യ അർച്ചന(20) വീടിനോട് ചേർന്നുള്ള കനാലിൽ ദേഹത്ത് മണ്ണെണ്ണ ഒഴിച്ച് പൊള്ളലേറ്റ് മരിച്ച നിലയിൽ കണ്ടെത്തിയത് മരിക്കുമ്പോൾ അർച്ചന അഞ്ചുമാസം ഗർഭിണിയായിരുന്നു. അർച്ചനയും ഷാരോണും തമ്മിൽ വീട്ടിൽ നിരന്തരം വഴക്ക് പതിവായിരുന്നു എന്ന് പ്രദേശവാസികളും അർച്ചനയുടെ ബന്ധുക്കളും പറഞ്ഞു.