കൈനകരി അനിതാ കൊലക്കേസ് രണ്ടാം പ്രതി രജനിയെ മരണം വരെ തൂക്കിലേറ്റാൻ കോടതി വിധിച്ചു.
ആലപ്പുഴ: വിവാഹിതയും രണ്ടു കുട്ടികളുടെ മാതാവുമായ പുന്നപ്ര തെക്കേമഠം വീട്ടിൽ ശശിധരൻറ മകളായ 32 വയസ്സുള്ള അനിതയെ 09-07-2021 തീയതി കൊലപ്പെടുത്തിയ കേസിൽ രണ്ടാം പ്രതി കൈനകരി പഞ്ചായത്ത് 10 -ാം വാർഡിൽതോട്ടു വാത്തല പടിഞ്ഞാറ് പതിശ്ശേരി വീട്ടിൽ 38 വയസ്സുള്ള രജനിയെ മരണം വരെ തൂക്കിലേറ്റാൻ കോടതി വിധിച്ചു. ആലപ്പുഴ ജില്ലാ സെഷൻസ് കോടതി മൂന്നാണ് ശിക്ഷ വിധിച്ചത്. നിലമ്പൂർ സ്വദേശിയായ ഒന്നാം പ്രതി പ്രബിഷിനെ നേരത്തെ കോടതി ഈ കേസ്സിൽ വധശിക്ഷക്ക് വിധിച്ചിരുന്നു . കൊല്ലപ്പെടുന്ന സമയം അനിത ഗർഭിണി ആയിരുന്നു. ഒഡീഷ ജയിലിലയിരുന്ന പ്രതി രജനിയെ ഇന്ന് ആലപ്പുഴ ജില്ലാ സെഷൻസ് കോടതിയിൽ ഹാജരാക്കിയിരുന്നു. തുടര്‍ന്നാണ് കേസിലെ രണ്ടാം പ്രതിയുടെ ശിക്ഷ കോടതി വിധിച്ചത്. ശിക്ഷ വിധിക്കുന്നതിന് മുമ്പായി രാവിലെ രജനിയെ കോടതിയിൽ ഹാജരാക്കിയപ്പോള്‍ എന്തെങ്കിലും പറയാനുണ്ടോയെന്ന് കോടതി ചോദിച്ചപ്പോള്‍ ഒന്നുമില്ലെന്നായിരുന്നു രജനിയുടെ മറുപടി. ഒന്നാം പ്രതിക്ക് പുറമെ രണ്ടാം പ്രതിയായ രജനിക്കും വധശിക്ഷ നൽകണമെന്നായിരുന്നു പ്രോസിക്യൂഷന്‍റെ വാദം.
സംഭവം 9/7/2021 രാത്രി 9.30 മണിയോടെ രണ്ടാം പ്രതി രജനിയുടെ കൈനകരി പതിശ്ശേരി വീട്ടിൽ കിടപ്പുമുറിയിൽ വച്ചാണ് രണ്ടു പ്രതികളും ചേർന്ന് ഗർഭിണിയായ അനിതയെ കഴുത്ത് ഞെരിച്ച് കൊലപ്പെടുത്താൻ ശ്രമിക്കുകയും അബോധാവസ്ഥയിൽ ആയ അനിതയെ മരണപ്പെട്ടുപോയി എന്ന് കരുതി പ്രതികൾ വള്ളത്തിൽ കയറ്റി പൂകൈത ആറ്റിൽ മുക്കി താഴ്ത്തുകയായിരുന്നു. പിന്നീട് ആറ്റിൽ പൊങ്ങി വന്ന അജ്ഞാത മൃതദേഹത്തിൽ നിന്നും അന്വേഷണം ആരംഭിച്ച നെടുമുടി പോലീസ് ഇൻസ്പെക്ടർ AV ബിജുവിൻ്റെ പഴുതുകൾ അടച്ചുള്ള മികച്ച അന്വേഷണം ആണ് പ്രതികളെ കണ്ടെത്താനും തുടർന്ന് ശാസ്ത്രീയ തെളിവുകൾ ശേഖരിച്ച് മൂന്ന് മാസത്തിനുള്ളിൽ കുറ്റപത്രം തയ്യാറാക്കി കോടതിയിൽ ഹാജരാക്കി. ഒന്നാം പ്രതി പ്രബീഷിനെതിരെ ചുമത്തിയ എല്ലാ വകുപ്പുകളും രണ്ടാം പ്രതിയായ രജനിക്കെതിരെയും ചുമത്തിയിരുന്നു. ഇന്ന് മൂന്നേകാലോടെയാണ് കോടതി ശിക്ഷ വിധിച്ചത്. വിചാരണാ നടപടികൾ നെടുമുടി പോലീസ്സ്റ്റേഷൻ സീനിയർസിവിൽ പോലീസ് ഓഫീസർ സുബീഷ് AK , പ്രോസിക്യൂഷൻ ലെയിസൺ ഓഫീസർ CPo അമൽ C എന്നിവർ ഏകോപിപിച്ചു. പ്രതി രജനിയെ തിരുവനന്തപുരം സെൻററർ ജയിലിലെക്കു അയച്ചു. പ്രോസിക്യൂഷന് വേണ്ടി ഗവ: പീഡർ & പബ്ലിക് പ്രോസികൂട്ടർ ശാരി NB ഹാജരായി.
